ନୟାଗଡ଼, (ବାଘୁଆବାର୍ତ୍ତା): ସକାଳର ବଡ଼ ଖବର । ପ୍ରେମିକର ରିସେପସନ୍ ଭୋଜିରେ ପ୍ରେମିକା ଦେଲା ଧାରଣା । ଯାହାକୁ ନେଇ ଉକ୍ତ ଗାଁରେ ତୁମୁଳ କାଣ୍ଡ ହେଲା ପରେ ମାମଲା ଯାଇ ଥାନାରେ ପହଞ୍ଚିଛି । ଏହି ଘଟଣାକୁ ନେଇ ଥାନାରେ ମାମଲା ଋଜୁ ହେଲା ପରେ ଅଭିଯୁକ୍ତ ପ୍ରେମିକକୁ ଥାନାରେ ଅଟକ ରଖାଯାଇଛି । ଏଭଳି ଘଟଣା ଦେଖା ଦେଇଛି ଇଟାମାଟି ଥାନା ଅନ୍ତର୍ଗତ ତେନ୍ତୁଳିଆପଲ୍ଲୀ ଗାଁରେ । ସୂଚନନୁାସରେ, ନୟାଗଡ଼ ଜିଲ୍ଲା ଇଟାମାଟି ଥାନା ଅନ୍ତର୍ଗତ ତେନ୍ତୁଳିଆପଲ୍ଲୀ ଗାଁ ବାପୁନୀ ନାୟକ ପୁରୀ ଜିଲ୍ଲା ବଳଙ୍ଗା ଥାନା ଅଞ୍ଚଳରେ ଜଣେ ଯୁବତୀଙ୍କ ସହିତ ପ୍ରେମ ସଂପର୍କ ଗଢି ଉଠିଥିଲା । ପ୍ରେମ ସଂପର୍କକୁ ନେଇ ପ୍ରେମିକ ବାପୁନୀ ବିବାହ କରିବାର ପ୍ରତିଶୃତି ଦେଇ ଶାରୀରିକ ସଂପର୍କ ରଖିଆସୁଥିଲେ । ମାସେ ହେଲା ପ୍ରେମିକ ବାପୁନୀ ଆଉ ପ୍ରେମିକାର ଫୋନ୍ ଉଠାଇ ନଥିଲା । ଯାହାଫଳରେ ପ୍ରେମିକା ଯୁବତୀ ଜଣକ ପ୍ରେମିକ ବାପୁନୀର ବିବାହ ସରିଥିବା ନେଇ ବିଶେଷ ସୁତରୁ ଜାଣିବାକୁ ପାଇଥିଲା । ତେବେ ସୋମବାର ସଂଧ୍ୟାରେ ବାପୁନୀର ରିସେପସନ୍ ଚାଲିଥିବା ବେଳେ ଯୁବତୀ ଜଣକ ତେନ୍ତୁଳିଆପଲ୍ଲୀ ଗାଁରେ ପହଞ୍ଚି ଧୋକାବାଜ୍ ପ୍ରେମିକ ବାପୁନୀର ଘର ଆଗରେ ଧାରଣା ଦେଇଥିଲା । ଯାହାକୁ ନେଇ ଉକ୍ତ ଗାଁରେ ତୁମୁଳ କାଣ୍ଡ ଘଟିବାରୁ ମାମଲା ଯାଇ ଇଟାମାଟି ଥାନାରେ ପହଞ୍ଚିଥିଲା । ଇଟାମାଟି ପୁଲିସ୍ ଖବର ପାଇ ଘଟଣାସ୍ଥଳରେ ପହଞ୍ଚି ପ୍ରେମିକ ବାପୁନୀ ଓ ପ୍ରେମିକା ଯୁବତୀକୁ ନେଇ ଥାନାକୁ ଆଣି ପଚରାଉଚରା କରିଥିଲା । ଯୁବତୀର ଅଭିଯୋଗ ଭିତ୍ତି କରି ଇଟାମାଟି ଥାନାରେ କେସ୍ ନଂ ୭୭/୨୧ରେ ମାମଲା ଋଜୁ କରାଯାଇ ପ୍ରେମିକ ବାପୁନୀକୁ ଅଟକ ରଖିଥିବା ନେଇ ଭାରାପ୍ରାପ୍ତ ଥାନା ଅଧିକାରୀ ବସନ୍ତ କୁମାର ସାହୁ ସୂଚନା ଦେଇଛନ୍ତି ।
