ଢେଙ୍କାନାଳ, (ବାଘୁଆବାର୍ତ୍ତା): ସଦରଥାନା ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି । ସଂପତ୍ତି ଲୋଭରେ ଜ୍ୱାଇଁ ଜଣକ ଶ୍ୱଶୂରକୁ ପିଟିପିଟି ମାରି ଦେଇଥିବା ନେଇ ଅଭିଯୋଗ ହେବା ପରେ ପୁଲିସ୍ ଜ୍ୱାଇଁକୁ ଗିରଫ୍ କରି ତଦନ୍ତ ଆରମ୍ଭ କରିଛି । ସୂଚନାନୁସାରେ, ଢେଙ୍କାନାଳ ସଦର ଥାନା ଅନ୍ତର୍ଗତ ପାତ୍ରଭାଗ ଗାଁର ବୟସ୍କ ବ୍ୟକ୍ତି ପୂର୍ଣ୍ଣଚନ୍ଦ୍ର ପ୍ରଧାନଙ୍କୁ ପିଟିପିଟି ମାରି ଦିଆଯାଇଛି । ଖବର ପାଇ ଘଟଣାସ୍ଥଳରେ ସଦରଥାନା ପୁଲିସ୍ ପହଞ୍ଚି ପୂର୍ଣ୍ଣଚନ୍ଦ୍ରଙ୍କ ଶବ ଜବତ କରିବା ସହ ତଦନ୍ତ ଆରମ୍ଭ କରିଛି । ତେବେ ପ୍ରାଥମିକ ତଦନ୍ତରୁ ସଂପତ୍ତି ଲୋଭରେ ତାଙ୍କୁ ପିଟିପିଟି ହତ୍ୟା କରାଯାଇଛି । ବିଶେଷସୁତ୍ରରୁ ପୁଲସ ଜାଣିବାକୁ ପାଇଛି ଯେ, କିଛିଦିନ ହେଲା ପୂର୍ଣ୍ଣଚନ୍ଦ୍ରଙ୍କ ସଂପତ୍ତିକୁ ନେଇ ଝିଅ ଜ୍ୱାଇଁଙ୍କ ସହିତ ପୂର୍ଣ୍ଣଚନ୍ଦ୍ରଙ୍କ ବିବାଦ ଲାଗି ରହିଥିଲା । ସେହି କାରଣରି ଝିଅ ଜ୍ୱାଇଁ ଆସି ଘରେ ରହିଥିବା ବେଳେ ଶନିବାର ରାତିରେ ଖାଇ ସାରି ସମସ୍ତେ ଶୋଇଥିଲେ । ଆଜି ସକାଳୁ ପୂର୍ଣ୍ଣଚନ୍ଦ୍ର ଶୋଇଥିବା ଘରୁ ପାଟିତୁଣ୍ଡ ଶୁଭିଥିଲା । ପୂର୍ଣ୍ଣଚନ୍ଦ୍ରଙ୍କୁ ମାଡ ମରାଯାଉଥିବା ଶବ୍ଦ ମଧ୍ୟ ପୁଅକୁ ହେଉଥିଲା । ପୁଆ ଆସିବାକୁ ଚେଷ୍ଟା କରିଥିଲେ ମଧ୍ୟ ତାଙ୍କୁ ବାହାର ପଟୁ କବାଟ ଦେଇ ଦେଇଥିଲେ । ପରେ କୌଣସି ମତେ କବାଟ ଖୋଲି ବାହାରକୁ ବାହାରି ଦେଖନ୍ତି ତ ବାପା ପୂର୍ଣ୍ଣଚନ୍ଦ୍ର ବେହୋସ ହୋଇ ପଡିଛନ୍ତି । ତାଙ୍କୁ ସାଙ୍ଗେ ସାଙ୍ଗେ ପୁଅ ପରେଶ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ହେଁ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ । ଏହି ଘଟଣାରେ ସଦରଥାନା ପୁଲିସ୍ ଖବର ପାଇଁ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ଜ୍ୱାଇଁ ଗିରିଷ ଦେହୁରୀକୁ ଗିରଫ୍ କରିଥିବା ସୂଚନା ମିଳିଛି ।
