୪ ଲକ୍ଷ ଟଙ୍କାର ଚୋରା ଶାଗୁଆନ କାଠ ଜବତ

ଢେଙ୍କାନାଳ, (ବାଘୁଆବାର୍ତ୍ତା): ତୁମୁସିଂହା ଗ୍ରାମରେ ଢେଙ୍କାନାଳ ବନବିଭାଗ ପକ୍ଷରୁ ଚଢାଉ । ଚଢାଉରେ ୪ ଲକ୍ଷ ଟଙ୍କାର ଚୋରା ଶାଗୁଆନ କାଠ ଜବତ । ପଶ୍ଚିମାଞ୍ଚଳ ରେଞ୍ଜ ତୁମୁସିଙ୍ଗା ଗ୍ରାମ ରେ ଚଢ଼ାଉ କରିଥିଲା ବନବିଭାଗ । ତୁମୁସିଙ୍ଗା ଗ୍ରାମରେ କେହି ଦୁର୍ବୃତ୍ତ ଏକ ବିଲ ନିକଟରେ ଶାଗୁଆନ କାଠ ଗଦା କରି ରଖିଥିଲା । ବନ ବିଭାଗ ବିଶେଷ ସୂତ୍ରରୁ ଖବର ପାଇ ଅତର୍କିତ ଭାବେ ଚଢ଼ାଉ କରିଥିଲା । ଢେଙ୍କାନାଳ ଡ଼ିଏଫଓ ଙ୍କ ନିର୍ଦେଶ କ୍ରମେ ରେଞ୍ଜରଙ୍କ ପ୍ରତ୍ୟେକ୍ଷ ତତ୍ବବଧାନରେ ଢେଙ୍କାନାଳ ମୋବାଇଲ ସ୍କ୍ୱାର୍ଡ ଓ ଅଁଳାବେରେଣୀ ଫରେଷ୍ଟ ଟିମ ମିଳିତ ଭାବେ ଏହି ଚଢ଼ାଉ କରାଯାଇଥିଲା । ଘଟଣାରେ ବନ ବିଭାଗ କାହାକୁ ଅଟକ ରଖି ନଥିବା ବେଳେ କାଠ ଗୁଡିକ ଜବତ କରି ଅଁଳାବେରେଣୀ ବନ କାର୍ୟ୍ୟାଳୟକୁ ନେଇ ଅଧିକ ତଦନ୍ତ ଜାରିରଖିଛି ।