ଓଡ଼ଗାଁ,(ବାଘୁଆବାର୍ତ୍ତା): ଶରଣକୁଳ ନିକଟସ୍ଥ ବଡ଼ଗୋରଡ଼ା ପଞ୍ଚାୟତରେ ନିୟନ୍ତ୍ରିତ ବଜାର କମିଟି ବାହାଡ଼ଝୋଲା ପକ୍ଷରୁ ଏକ ସାମୁହିକ ଗୋଷ୍ଠୀ ଧାନଖଳା ଉଦଘାଟିତ ହୋଇଯାଇଛି । ସୋମବାର ରଣପୁର ବିଧାୟକ ତଥା ଜିଲ୍ଲା ଯୋଜନା ବୋର୍ଡ଼ର ଅଧକ୍ଷ ସତ୍ୟନାରାୟଣ ପ୍ରଧାନ ମୁଖ୍ୟଅତିଥି ଭାବେ ଯୋଗଦେଇ ଏହାକୁ ଉଦ୍ଘାଟନ କରିଛନ୍ତି । ଅନ୍ୟମାନଙ୍କ ମଧ୍ୟରେ କେନ୍ଦ୍ର ସମବାୟ ସମିତିର ସଭାପତି କୃପାସିନ୍ଧୁ ଭଟ୍ଟ, ପୂର୍ବତନ ସରପଂଚ ଗୋବିନ୍ଦ ଚନ୍ଦ୍ର ପ୍ରଧାନ, ସନ୍ତୋଷ ପରିଡ଼ା, ବରୁଣ ପ୍ରଧାନ, ପ୍ରକାଶ ଚନ୍ଦ୍ର ସାହୁ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗଦେଇଥିଲେ । ବାହାଡ଼ଝୋଲା ନିୟନ୍ତ୍ରିତ ବଜାର କମିଟି ଉପ-ସହକାରୀ ନିବନ୍ଧକ ତଥା ସମ୍ପାଦକ ସୁଦାମ ଚରଣ ଜେନା କାର୍ଯ୍ୟକ୍ରମକୁ ପରିଚାଳନା କରିଥିଲେ ।
