ଭୁବନେଶ୍ୱର,(ବାଘୁଆବାର୍ତ୍ତା): ଯୁବନେତା ଓ ଯୁବ ଉଦ୍ୟୋଗୀ ସମ୍ବିତ ନନ୍ଦ ପରଲୋକ ଘଟିଛି । କରୋନାରେ ଆକ୍ରାନ୍ତ ହୋଇ ସେ ଦୀର୍ଘଦିନ ଧରି ଚିକିତ୍ସିତ ହେଉଥିଲେ । ସେ ହେଉଛନ୍ତି ପୂର୍ବତନ ବିଧାୟକ ନବୀନ ନନ୍ଦଙ୍କ ପୁତ୍ର । ଇଂଜିନିୟର ହୋଇଥିଲେବି ସମ୍ବିତ ଚାକିରୀ ନକରି ନିଜେ ଉଦ୍ୟୋଗୀ ହେବାକୁ ପ୍ରୟାସ ଆରମ୍ଭ କରିଥିଲେ । ସ୍ଥାନୀୟ ଅଂଚଳର ଯୁବକମାନେ କିଭଳି କମ ଖର୍ଚ୍ଚରେ ସ୍ୱାବଲମ୍ବୀ ହୋଇ ପାରିବେ ସେଥିପ୍ରତି ସେ ସଦାସର୍ବଦା ପ୍ରୟାସ କରି ଆସୁଥିଲେ । ଚକୋଲେଟ ଉଦ୍ୟୋଗଠାରୁ ଆରମ୍ଭ କରି କୁଟୀର ଶିଳ୍ପ ପ୍ରତିଷ୍ଠା କରି ଅନେକଙ୍କ ପାଇଁ ନିଯୁକ୍ତିର ସୁଯୋଗ ସୃଷ୍ଟି କରିଥିଲେ । କରୋନା ସମୟରେ ସେ ଚାଷକାର୍ୟ୍ୟକୁ ଆପଣାଇ ଜୈବିକ ପଦ୍ଧତିରେ ଚାଷ ଉପରେ ଗୁରୁତ୍ୱାରୋପ କରିଥିଲେ । ଢେଙ୍କାନାଳ ଜିଲ୍ଲାର ଜଣେ ଲୋକପ୍ରିୟ ଯୁବ ନେତା ଭାବେ ସେ ବେଶ ପରିଚିତି ହାସଲ କରିଥିଲେ । ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ସେ ଜନତାଙ୍କ ହକ ପାଇଁ ଲଢେ଼ଇ କରି ଆସୁଥିଲେ । ତାଙ୍କ ମୃତ୍ୟୁକୁ ନେଇ ବହୁ ବ୍ୟକ୍ତି ଶୋକ ପ୍ରକାଶ କରିଛନ୍ତି ।
