ବଜ୍ରପାତରେ CRPF ଡେପୁଟି କମାଣ୍ଡାଣ୍ଟଙ୍କ ମୃତ୍ୟୁ

ରାଉଲକେଲା, (ବାଘୁଆବାର୍ତ୍ତା): ବଜ୍ରପାତରେ CRPF ଡେପୁଟି କମାଣ୍ଡାଣ୍ଟଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ଓଡ଼ିଶା ସୀମାନ୍ତ ଝାଡ଼ଖଣ୍ଡର ଛୋଟା ନଗରା ଥାନା ଅର୍ନ୍ତଗତ ବଲିବା ଜଙ୍ଗଲରେ ଚାଲିଥିଲା ଅପରେସନ । ଏହି ଅପରେସନ ସମୟରେ ଭୀଷଣ ଜୋରରେ ବଜ୍ରପାତ ହୋଇଥିଲା । ଏଥିରେ ସିଆରପିଏଫ୍ ଡେପୁଟି କମାଣ୍ଡାଣ୍ଟ ପ୍ରବୋ ସିଂହଙ୍କ ସମେତ ୪ ଜଣ ଯବାନ ଗୁରୁତର ହୋଇଥିଲେ । ସମସ୍ତଙ୍କୁ ଅନ୍ୟ ଯବାନମାନେ ଉଦ୍ଧାର କରିଥିଲେ । ପରେ ଚିକିତ୍ସା ଲାଗି ହେଲିକପ୍ଟର ସାହାଯ୍ୟରେ ରାଞ୍ଚି ହସ୍ପିଟାଲ ନିଆଯାଇଛି । ଡାକ୍ତରଖାନାରେ ଡେପୁଟି କମାଣ୍ଡାଣ୍ଟଙ୍କ ମୃତ୍ୟୁ ଘଟିଛି । ଅନ୍ୟ ଯବାନମାନଙ୍କ ଅବସ୍ଥା ଗୁରୁତର ଥିବା ସୂଚନା ମିଳିଛି ।