ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ସଦରଥାନା ଅନ୍ତର୍ଗତ ଲକ୍ଷ୍ମୀପ୍ରସାଦ ପଂଚାୟତ ବାରବାଟି ଗ୍ରାମରେ ଜଣେ ମହିଳାଙ୍କ ସନ୍ଦେହ ଜନକ ମୃତ୍ୟୁ ହୋଇଥିବା ଜଣାଯାଇଛି । ମୃତ ମହିଳା ହେଲେ ଏହି ଗ୍ରାମର ଜିତେନ୍ଦ୍ର ବିଶ୍ୱାଳଙ୍କ ପôତୀ ଶିବାନୀ ସ୍ୱାଗତିକା ବିଶ୍ୱାଳ(୨୪) । ଗତକାଲି ଶିବାନୀ ଖାଇପିଇ ଘରେ ଶୋଇଥିବା ବେଳେ ଆଜି ସକାଳୁ ସେ ଉଠିନଥିଲେ । ଫଳରେ ଶିବାନୀଙ୍କ ମୃତ୍ୟୁ ଘଟିଥିବା ଜଣାପଡ଼ିଥିଲା । ଖବରପାଇ ସଦରଥାନା ପୁଲିସ ଘଟଣାସ୍ଥଳରେ ପହଂଚିବା ପରେ ଶିବାନୀଙ୍କ ପରିବାର ଲୋକେ ମଧ୍ୟ ଆସି ପହଂଚିଥିଲେ । ପରିବାର ପକ୍ଷରୁ ଶିବାନୀଙ୍କ ମୃତ୍ୟୁ ଘଟଣାର ଅନୁଧ୍ୟାନ କରିବା ପାଇଁ ଲିଖିତ ଏତଲା ଦେବା ପରେ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରିଥିବା ଜଣାଯାଇଛି । ଅନ୍ୟପକ୍ଷେ, ପୁଲିସ ପ୍ରଥମେ ଜିତେନ୍ଦ୍ରଙ୍କୁ ଆଣି ଥାନାରେ ଅଟକ ରଖିଥିବା ବେଳେ ଅପରାହ୍ନରେ ଛାଡ଼ି ଥିବା ଜଣାଯାଇଛି ।
