ଭୁବନେଶ୍ୱର, (ବାଘୁଆବାର୍ତ୍ତା): କରୋନାର ଦ୍ୱିତୀୟ ଲହରୀ ମଧ୍ୟ ପ୍ରଦେଶକୁ ସମ୍ପୂର୍ଣ୍ଣ ଭାବରେ କବଳିତ କରିଛି । ରାଜ୍ୟର ସ୍ଥିତି ପ୍ରତିଦିନ ବିଗିଡ଼ିବାରେ ଲାଗିଛି । ରାଜ୍ୟରେ ରୋଗୀଙ୍କ ସଂଖ୍ୟା ବଢ଼ିବା ସହିତ ମେଡିକାଲ ସେବା ମଧ୍ୟ କମ୍ ହେବାରେ ଲାଗିଛି । ରାଜଧାନୀ ଭୋପାଳରେ କରୋନାର ସ୍ଥିତି ଖୁବ୍ ଖରାପ । ଗତ ୨୪ ଘଣ୍ଟା ଭିରେ ଭୋପାଳରେ ୧୬୮୧ ନୂଆ ମାଲା ରୁଜୁ କରାଯାଇଛି । ସେଭଳି ୧୧୨ଟି ଶବର ଅନ୍ତିମ ସଂସ୍କାର କରାଯାଇଛି । ତେବେ ସରକାରୀ ରେକର୍ଡରେ କେବଳ ୪ଜଣ ଲୋକଙ୍କର ମୃତ୍ୟୁ ହୋଇଛି । ଲଗାତାର ଭାବରେ ମୃତ୍ୟୁ ସଂଖ୍ୟା ପ୍ରଶାସନର ନିଦ ଉଡାଇ ଦେଇଛି । ମୃତ୍ୟୁ ସଂଖ୍ୟା ସରକାରଙ୍କ ଉପରେ ପ୍ରଶ୍ନ ଉଠାଇଛି । ବିରୋଧୀ ଦଳ ଲଗାତାର ସରକାରଙ୍କ ଉପରେ ମୃତ୍ୟୁ ସଂଖ୍ୟା ଲୁଚାଉଥିବାର ଅଭିଯୋଗ କରିଛି । ପ୍ରଥମ ଥର ଏତେ ସଂଖ୍ୟକ ସଂକ୍ରମିତଙ୍କର ଅନ୍ତିମ ସଂସ୍କାର ପରେ ପ୍ରଶାସନ ମଧ୍ୟ ଆଶ୍ଚର୍ଯ୍ୟ ହୋଇଛି । ଭୋପାଳ, ଜବଲପୁର, ଇନ୍ଦୋର ଓ ଗ୍ୱାଲିୟରରେ ଅନ୍ତିମ ସଂସ୍କାର ପାଇଁ ଅପେକ୍ଷା କରିବାକୁ ପଡୁଛି । ଶ୍ମସାନରେ ଗୋଟିଏ ପରେ ଗୋଟିଏ ଅନ୍ତିମ ସଂସ୍କାର କରାଯାଇଥିଲା ।
