ଯୁବକଙ୍କ ଜୀବନ ନେଲା ଫ୍ରି ଫାୟାର

ବାଲେଶ୍ବର, (ବାଘୁଆବାର୍ତ୍ତା): ଯୁବକଙ୍କ ଜୀବନ ନେଲା ଫ୍ରି ଫାୟାର । ମାଆ ବାରଣ କରିବାକୁ ବେକରେ ରଶି ଲଗାଇ ଝୁଲିଲା ପୁଅ। ବାଲେଶ୍ବର ଭୋଗରାଇ କୀର୍ତିନିଆ ଗାଁର ଘଟଣା। ମୃତକ ହେଲେ ପୂର୍ଣ୍ଣଚନ୍ଦ୍ର ମିର୍ଧାଙ୍କ ୨୦ ବର୍ଷର ପୁଅ ଆନନ୍ଦ ମିର୍ଧା। ସନ୍ଧ୍ୟା ସମୟରେ ଆନନ୍ଦ ଦୀର୍ଘ ସମୟ ଧରି ଫ୍ରି ଫାୟାର ଗେମ ଖେଳୁଥିଲେ। ଏନେଇ ମାଆ ବାରଣ କରିଥିଲେ। କିଛି ସମୟ ପରେ ଖୋଜାଖୋଜି କରିବାରୁ ଆନନ୍ଦ ଘର ପାର୍ଶ୍ଵ ଏକ ଗଛରେ ବେକରେ ରଶି ଲଗାଇ ଜୀବନ ହାରିଥିଲେ। ପ୍ରାୟ ବର୍ଷେରୁ ଅଧିକ ସମୟ ଧରି ସେ ଫ୍ରି ଫାୟାର ଖେଳିଆସୁଥିଲେ। ଏହି ଖେଳ ଆନନ୍ଦଙ୍କ ଅଭ୍ୟାସ ପାଲଟି ଥିବା ବେଳେ ପରିବାର ଲୋକ ଯେତେ ବାରଣ କଲେ ମଧ୍ୟ ଆନନ୍ଦ ଖେଳ ଛାଡୁ ନଥିଲେ । ତେବେ ଏଭଳି ଘଟଣା ପରେ ପରିବାର ଲୋକ ଜଳେଶ୍ୱରପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଘଟଣାସ୍ଥଳରେ ଭୋଗରାଇ ପୋଲିସ ପହଂଚି ଶବକୁ ଜବତ କରି ଏକ ମାମଲା ରୁଜୁ କରିବା ସହିତ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି ।