ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ସଦର ଥାନା ଅଞ୍ଚଳରେ ଅଘଟଣ । ନୟାଗଡ଼ ନିକଟସ୍ଥ ଦୁରୁଦୁରା ବ୍ରିଜ ନିକଟରେ ଏକ ବାଇକ ଓଭର ଟେକିଙ୍ଗ କରି ଏକ କାରକୁ ମାଡ଼ କରିଛି । ଏଥିରେ ବାଇକ ଚାଳକ ଡିମିରିଝରି ଗାଁର ହାଲୁରି ନାୟକଙ୍କ ମୃତ୍ୟୁ ଘଟିଛି । ସୁଚନାନୁସାରେ ତୁମୁଡିବନ୍ଧ ଅଞ୍ଚଳର କିଛି ବ୍ୟକ୍ତି ନୟାଗଡ଼କୁ ଏକ ଦଶାହ କାର୍ଯ୍ୟରେ ଆସୁଥିଲେ । ନୟାଗଡ଼ ପଟୁ ବାଇକ ଚାଳକ ଓଭର ଟେକିଙ୍ଗ କରି କାରକୁ ପିଟିଥିଲା । ବାଇକ ଚାଳକ ଜଣକ ଘୋଷାଡି ହୋଇଯାଇଥିଲେ । ତାଙ୍କୁ ତୁରନ୍ତ ନୟାଗଡ଼ ମୁଖ୍ୟ ଚିକିତ୍ସାଳୟକୁ ଅଣାଯାଇଥିଲା । ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । କାର ଡ୍ରାଇଭର ସଦର ଥାନାରେ ଆତ୍ମ ସମର୍ପଣ କରିଛନ୍ତି । ସଦର ଥାନା ପକ୍ଷରୁ କାର ଓ ବାଇକକୁ ଜବତ କରାଯାଇଛି ।
