ଅଟୋ-ବାଇକ୍ ମୁହାଁମୁହିଁ ଧକ୍କା, ଜଣେ ମୃତ

ବାଲିପାଟଣା, (ବାଘୁଆବାର୍ତ୍ତା): ଭୁବନେଶ୍ଵର ଉପକଣ୍ଠ ବାଲିଅନ୍ତା ଥାନା ହଂସପାଳ- ଅଭୟମୁଖି ରାସ୍ତା ଜିତିକାଲସୁଆଁଲୋ ଠାରେ ଶୁକ୍ରବାର ରାତିରେ ମର୍ମନ୍ତୁଦ ଦୁର୍ଘଟଣା। ଅଟୋ-ବାଇକ୍ ମୁହାଁମୁହିଁ ଧକ୍କା। ଜଣେ ମୃତ ୩ ଗୁରୁତର। ସୂଚନାନୁଯାୟୀ, ମହୁ ଖଣ୍ଡା ଗ୍ରାମର ବାବାଜୀ ଭୋଇ ଏବଂ ତାଙ୍କର ଅନ୍ୟ ୩ଜଣ ସାଙ୍ଗ ବାଇକ୍ ଯୋଗେ କ୍ରିକେଟ୍ ମ୍ୟାଚ୍ ଖେଳିବାକୁ ଯାଉଥିଲେ। ଜିତିକାଲସୁଆଁଲୋ ଠାରେ ଏକ ଅଟୋ ସହ ବାଇକ୍ ମୁହାଁମୁହିଁ ଧକ୍କା ହୋଇଥିଲା। ଏଥିରେ ବାବାଜୀଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା। ଦୁର୍ଘଟଣାରେ ଅନ୍ୟ ୩ ଯୁବକ ଗୁରୁତର ହୋଇଥିଲେ। ସେମାନଙ୍କୁ ଉଦ୍ଧାର କରି କ୍ୟାପିଟାଲ୍ ହସ୍ପିଟାଲରେ ଭର୍ତ୍ତି କରାଯାଇଛି। ଘଟଣାସ୍ଥଳରେ ବାଲିଅନ୍ତା ପୁଲିସ ପହଁଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।