ଓଡ଼ଗାଁ, (ବାଘୁଆବାର୍ତ୍ତା): ମୋରମ ଖୋଲୁଥିବା ବେଳେ ଦୁର୍ଭାଗ୍ୟବଶତ୍ୟ ଶାବଳ ପେଟରେ ପଶି ଜଣେ ଶ୍ରମିକଙ୍କ ମୃତ୍ୟୁ ଘଟିଛି । ମୃତ ଶ୍ରମିକ ହେଲେ ଓଡ଼ଗାଁ କାମ୍ପସାହିର ରମେଶ ବାରିକ (୩୮) । ସୂଚନାନୁସାରେ, ଦୈାନନ୍ଦିନ ପରି ରମେଶ ଆଜି କଦଳୀବନ୍ଧ ଅଂଚଳର ଏକ ଟ୍ରାକ୍ଟରରେ ଶ୍ରମିକଭାବ କାମ କରିବାକୁ ଘରୁ ଯାଇଥିଲେ । ଘସାଦେଇପୁର ଅଂଚଳରେ ଥିବା ମୋରମ ଖାଦାନରେ ସେ ମୋରମ ଖୋଲୁଥିଲେ । ୧୫ ଫୁଟ ଉଚ୍ଚ ଏକ ଦୁମ ସ୍ଥାନରୁ ମୋରମ ଖୋଲୁଥିବା ବେଳେ ମାଟି ଧସି ଯିବାରୁ ପ୍ରଥମେ ଶାବଳଟି ତଳକୁ ଖସି ମାଟିରେ ସିଧା ହୋଇ ରହିଥିଲା । ଭାରସାମ୍ୟ ହରାଇ ରମେଶ ସେହି ଶାବଳ ଉପରେ ଖସି ପଡ଼ିବାରୁ ତାହା ତାଙ୍କ ପେଟରେ ପଶି ଯାଇଥିଲା । ଘଟଣାସ୍ଥଳରୁ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ତାଙ୍କୁ ଓଡ଼ଗାଁ ଡାକ୍ତରଖାନାକୁ ଅଣା ଯାଇଥିବା ବେଳେ ସେଠାରେ ଡାକ୍ତର ମୃତ ଘୋଷଣା କରିଛନ୍ତି । ଓଡ଼ଗାଁ ପୁଲିସ ଡାକ୍ତରଖାନାରେ ପହଂଚି ଶବ ବ୍ୟବେଚ୍ଛଦ କରି ପରିବାର ଲୋକଙ୍କୁ ହସ୍ତାନ୍ତର କରିଛି ।
