ସ୍ୱାମୀ ମୁହଁ ଉପରେ ବସି ପଡିଲେ ସ୍ତ୍ରୀ, ଚାଲିଗଲା ସ୍ୱାମୀଙ୍କ ଜୀବନ

ନୂଆଦିଲ୍ଲୀ (ବାଘୁଆବାର୍ତ୍ତା): ସ୍ୱାମୀଙ୍କ ଉପରେ ମଦ ନିଶାରେ ବସି ପଡିଲେ ସ୍ତ୍ରୀ । ଚାଲିଗଲା ସ୍ୱାମୀଙ୍କ ଜୀବନ । ଆଶ୍ଚର୍ଯ୍ୟ ଲାଗିଲେ ବି ସତ । ଋଷରେ ଏପରି ଏକ ମାମଲା ସାମ୍ନାକୁ ଆସିଛି । ମଦ ନିଶାରେ ୧୦୧ କେଜିର ଜଣେ ମହିଳା ତାଙ୍କ ସ୍ୱାମୀଙ୍କ ଉପରେ ବସି ପଡିବାରୁ ଏହି ଅଘଟଣ ଘଟିଥିଲା । ନ୍ୟୁୟର୍କ ପୋଷ୍ଟର ରିପୋର୍ଟ ଅନୁସାରେ, ଏହି ମାମଲା ଋଷର ଏକ ସହରର ସାମ୍ନାକୁ ଆସିଛି । ପତି ଓ ପତ୍ନୀଙ୍କ ମଧ୍ୟରେ କୌଣସି କଥାକୁ ନେଇ ସାମାନ୍ୟ ବଚସା ହୋଇଥିଲା । ପରେ ଏହା ଉଗ୍ର ରୂପ ଧାରଣ କରିଥିଲା । ବଚସା ବେଳେ ପତ୍ନୀ ନିଶାରେ ଥିଲେ । ସେ ନିଜ ସ୍ୱାମୀଙ୍କୁ କ୍ଷମା ମାଗିବାକୁ କହିଥିଲେ । ସ୍ୱାମୀ ଭୁଲ ମାଗିନଥିଲେ । ଏହାପରେ ରାଗିଯାଇ ସେ ପତିଙ୍କ ମୁହଁ ଉପରେ ବସି ପଡିଥିଲେ । ରିପୋର୍ଟ ଅନୁସାରେ ପତ୍ନୀଙ୍କ ଓଜନ ୧୦୧ କେଜି ଥିଲା । ସେ ପତିଙ୍କ ମୁହଁ ଉପରେ ବସି ପଡିବାରୁ ତାଙ୍କୁ ଶ୍ୱାସକ୍ରିୟାରେ କଷ୍ଟ ଅନୁଭୂତ ହୋଇଥିଲା । ଏକଥା କିନ୍ତୁ ପତ୍ନୀ ଜାଣିପାରି ନଥିଲେ । ସେ ଏପରି ପ୍ରାୟ ଅନେକ ସମୟ ଧରି ପତିଙ୍କ ଉପରେ ବସି ରହିଥିଲେ । ଫଳରେ ପତି ଜଣଙ୍କ ପ୍ରାଣ ହରାଇଥିଲେ । ସେଠାରେ ଉପସ୍ଥିତ ଥିବା ସେମାନଙ୍କ ଝିଅ ତୁରନ୍ତ ପଡୋଶୀ ଲୋକଙ୍କୁ ଡାକିଥିଲେ । କିନ୍ତୁ ସେତେବେଳକୁ ବିଳମ୍ବ ହୋଇ ସାରିଥିଲା । ମହିଳା ଜଣଙ୍କ କହିଛନ୍ତି ଯେ, ସେ ତାଙ୍କ ପତିଙ୍କୁ ମାରିବାକୁ ଚାହୁଁନଥିଲେ । ପତି ବହୁତ ପାଟି କରୁଥିବାରୁ ସେ ତାଙ୍କୁ ଚୁପ କରିବା ପାଇଁ ମୁହଁ ଉପରେ ବସି ପଡିଥିଲେ । ପ୍ରଥମେ ମହିଳା ଜଣଙ୍କ ସତ କହୁନଥିବା ବେଳେ ମେଡିକାଲ ରିପୋର୍ଟରେ ସବୁ ସ୍ପଷ୍ଟ ହୋଇଯାଇଥିଲା । ମହିଳାଙ୍କ ବିରୋଧରେ ପୋଲିସ ମାମଲା ରୁଜୁ କରିଛି । ଘଟଣାର ତଦନ୍ତ କରୁଛି ପୁଲିସ ।