ଆଠମଲ୍ଲିକ, (ବାଘୁଆବାର୍ତ୍ତା): ଆଠମଲ୍ଲିକ ମାଧପୁର ଅଞ୍ଚଳରେ ବହୁଦିନରୁ ଚାଲିଥିବା ଚୋରା ଡିଜେଲ ରାକେଟ କୁ ଆଜି ଧରିବାରେ ସଫଳ ହେଇଛି ଆଠମଲ୍ଲିକ ପୋଲିସ । ଆଠମଲ୍ଲିକ ର ଗଦାଧରପୁର ଗାଁ ନିକଟରେ ନୀଳକଣ୍ଠ ଫେବରିକେସନ ଗୁଜୁରାଟ ଗାଡି ନମ୍ବର ଜିଜେ୧୨ବିଏକ୍ସ୭୭୩୩ ରୁ ଚୋରା ଡିଜେଲ ବିକ୍ରି କରାଯାଉଥିଲା। ଏହି ସମୟରେ ଆଠମଲ୍ଲିକ ପୋଲିସ ଚଢ଼ାଉ କରି ୨୯ ହଜାର କ୍ଷମତା ବିଶିଷ୍ଟ ଟ୍ୟାଙ୍କର କୁ ଜବତ କରିଥିଲା । ଡିଜେଲ କିଣୁଥିବା ସ୍ଥାନୀୟ ବ୍ୟକ୍ତି ସମେତ ଟ୍ୟାଙ୍କର ଡ୍ରାଇଭର କୁ ମିଶାଇ ତିନି ଜଣ କୁ ଅଟକ ରଖିଛି । ଡିଜେଲ କେଉଁଠାରୁ ଆସିଥିଲା ତାର କିଛି ଦସ୍ତାବିଜ ଡ୍ରାଇଭର ଦେଖାଇ ପାରୁନଥିବାରୁ ଟ୍ୟାଙ୍କର ମାଲିକକୁ ଆଠମଲ୍ଲିକ ପୋଲିସ ତଦନ୍ତ ପାଇଁ ଡକାଇଥିବାର ଜଣାପଡିଛି । ଟ୍ୟାଙ୍କରରେ କେତେ ପରିମାଣ ରେ ଡିଜେଲ ଅଛି ତାହା ଜଣାପଡିନାହିଁ ।
