କୋଭିଡ ଆକ୍ରାନ୍ତ ବାପାଙ୍କ ମୃତଦେହ ନେଲାନି ପୁଅ

ଗଞ୍ଜାମ (ବାଘୁଆବାର୍ତ୍ତା): କରୋନାରେ ଆକ୍ରାନ୍ତ ହୋଇ ବାପାର ଜୀବନ ଚାଲିଗଲା । ବାପାର ମୃତଦେହକୁ ସତ୍କାର କରିବାକୁ ପୁଅ ନେବାକୁ ରାଜି ହେଲାନି । ଶେଷରେ ସ୍ୱେଚ୍ଛାସେବୀ ମୃତଦେହକୁ ସଂସ୍କାର କରିଥିଲେ । ଏହିପରି ଏକ ଘଟଣା ଗଞ୍ଜାମ ଜିଲ୍ଲାରେ ଦେଖିବାକୁ ମିଳିଛି । ଗଞ୍ଜାମ ଜିଲ୍ଲା ପିତଳସ୍ଥିତ ତହଁର ଗ୍ରାମରେ ଜଣେ ବୃଦ୍ଧ କରୋନାରେ ଆକ୍ରାନ୍ତ ହୋଇଥିଲେ । ସେ ଆସ୍କା ବାବନପୁରସ୍ଥିତ କୋଭିଡ ସେଣ୍ଟରରେ ଚିକିତ୍ସିତ ହେଉଥିଲେ । ସେଠାରେ ବୃଦ୍ଧଙ୍କ ମୃତ୍ୟୁ ହୋଇଥିଲା । ମୃତଦେହ ନେବାକୁ ପରିବାର ଲୋକଙ୍କୁ ଖବର ଦିଆଯାଇଥିଲା । କିନ୍ତୁ ବାପାର ମୃତଦେହ ନେବାକୁ ପୁଅ ମନା କରି ଦେଇଥିଲା । ପରିବାର ଲୋକ ମୃତଦେହ ନେବାକୁ ମନା କରିବାକୁ ସରପଞ୍ଚ ପ୍ରତିନିଧି ଓ ୪ ଜଣ ସ୍ୱେଚ୍ଛାସେବୀ ପିପିଇ କିଟ ପିନ୍ଧି ବୃଦ୍ଧଙ୍କ ଅନ୍ତିମ ସତ୍କାର କରିଥିଲେ ।