ଭୁବନେଶ୍ୱର,(ବାଘୁଆବାର୍ତ୍ତା): ପୁଲିସ ବିଭାଗର ବରିଷ୍ଠ ଅଧିକାରୀ ତଳିଆ କର୍ମଚାରୀଙ୍କୁ ଝିଅ ଯୋଗାଇଦେବା ପାଇଁ ବାଧ୍ୟ କରୁଛନ୍ତି ଡିସିପି ବିଜୟ କୁମାର ସାହୁଙ୍କ ନାଁରେ ଆସିଛି ଏଭଳି ସଙ୍ଗୀନ ଅଭିଯୋଗ । ଅଭିଯୋଗ ଆଣିଛନ୍ତି ଜଣେ ସିପାହୀଙ୍କ ପତ୍ନୀ । ସେ ଅଭିଯୋଗ କରିଛନ୍ତି ଯେ, ଝିଅ ଯୋଗାଇବା ପାଇଁ ତାଙ୍କ ସ୍ୱାମୀଙ୍କୁ ବାଧ୍ୟ କରାଯାଉଥିଲା । ନମାନିବାରୁ ତାଙ୍କୁ ଟ୍ରାନ୍ସଫର କରିବା ସହ ଚାକିରିରୁ ବାହାର କରିବା ପାଇଁ ଧମକ ଦିଆଯାଉଥିଲା । ସିପାହୀ ନିହାର ରଂଜନ ନାୟକ ୩ ଦିନ ତଳେ ଫନାଇଲ ପିଇ ଆତ୍ମହତ୍ୟା ଉଦ୍ୟ କରିଥିଲେ । ଏବେ ସେ ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି । ନିହାରଙ୍କ ପତ୍ନୀ, ଭଉଣୀ, ମା’ ଓ ପୁଅ ପୁଲିସ କମିଶନରଙ୍କୁ ଭେଟିଛନ୍ତି । ଘଟଣାର ତଦନ୍ତ କରି କାର୍ଯ୍ୟାନୁଷ୍ଠାନ ନେବା ପାଇଁ ସେମାନେ ଦାବି କରିଛନ୍ତି ।
