କେନ୍ଦ୍ରୀୟ ଉଚ୍ଚ ମାଧ୍ୟମିକ ପରୀକ୍ଷା ଫଳ ପ୍ରକାଶିତ

 ଡି.ଏ.ଭି. ପବ୍ଲିକ ସ୍କୁଲ, ନୟାଗଡ଼ର ଅଦ୍ଭୁତପୂର୍ବ ସଫଳତା

ନୟାଗଡ଼, (ବାଘୁଆବାର୍ତ୍ତା): ଚଳିତ ବର୍ଷର କେନ୍ଦ୍ରୀୟ ଉଚ୍ଚ ମାଧ୍ୟମିକ ପରୀକ୍ଷା ଫଳ ପ୍ରକାଶିତ ହୋଇଛି । ଏଥବରେ ଡି.ଏ.ଭି. ପବ୍ଲିକ ସ୍କୁଲ, ନୟାଗଡ଼ର ଛାତ୍ରଛାତ୍ରୀ ମାନେ ଅଦ୍ଭୁତପୂର୍ବ ସଫଳତା ଲାଭ କରିଛନ୍ତି । ସୁଶ୍ରୀ ସୁଧା ସାଧବିକା ଜେନା ପ୍ରଥମ ସ୍ଥାନ (୯୮%) ହାସଲ କରି ବିଦ୍ୟାଳୟର ସୁନାମ ଆଣିଛନ୍ତି । ଶ୍ରୀମାନ ସ୍ୱସ୍ତିକ କୁମାର ନାୟକ ୯୭.୮% ରଖି ଦ୍ୱିତୀୟ ଓ ଶ୍ରୀମାନ ଜଗନ୍ନାଥ ବିଶ୍ୱ ନିୟନ୍ତା ୯୬.୪% ରଖି ତୃତୀୟ ସ୍ଥାନ ଅଧିକାର କରିଛନ୍ତି । ଚଳିତ ବର୍ଷ ସମୁଦାୟ ୪୭ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ୧୨ ଜଣ ୯୦% ରୁ ଅଧିକ ଓ ୩୯ ଜଣ ୬୦% ରୁ ଅଧିକ ନମ୍ବର ରଖି ପାସ୍ କରିଛନ୍ତି । ଏହି ସଫଳତା ପାଇଁ ବିଦ୍ୟାଳୟର ପ୍ରଧାନ ଶିକ୍ଷକ ସରୋଜ କୁମାର ମିଶ୍ର ଛାତ୍ରଛାତ୍ରୀ ମାନଙ୍କୁ ଧନ୍ୟବାଦ ଅର୍ପଣ କରିଛନ୍ତି । ଡି.ଏ.ଭି ପବ୍ଲିକ ସ୍କୁଲ, ନୟାଗଡ଼ର ଶିକ୍ଷକ ଓ ଶିକ୍ଷୟତ୍ରୀ ମାନଙ୍କ ପରିଶ୍ରମ ଓ ପ୍ରେରଣା ପାଇଁ ସାଧୁବାଦ ଜଣାଇଛନ୍ତି ।