ଦଶପଲ୍ଲା, (ବାଘୁଆବାର୍ତ୍ତା): ଦଶପଲ୍ଲା ଥାନା ଅଧୀନସ୍ଥ ୧୬ ନଂ ୱାର୍ଡ ଖଣ୍ଡପଡ଼ା ଗ୍ରାମର ପ୍ରଫୁଲ୍ଲ ଦାସଙ୍କ ଏକମାତ୍ର ରୋଜଗାରିଆ ପୁଅ ବିରସେନ ଦାସ ବୟସ ମାତ୍ର ୨୫ । ଗତ ଶନିବାର ସନ୍ଧ୍ୟା ପ୍ରାୟ ୮ଘଣ୍ଟିକା ସମୟରେ ସେହି ଗ୍ରାମର ରବି ସାହୁ ନାମକ ଜଣେ ବ୍ୟକ୍ତି ଏବଂ ତାଙ୍କ ସହଯୋଗୀ ସହ କୌଣସି କାରଣରୁ ବଚସା ହୋଇଥିବାବେଳେ ରବି ସାହୁ ଉତେଜିତ ହୋଇ ବିରସେନ୍ ଦାସ ଙ୍କୁ ଜୀବନରୁ ମାରିଦେଇଥିଲେ । ବୀରସେନଙ୍କ ପରିବାର ଲୋକେ ବିରସେନଙ୍କୁ ନେଇ ସଙ୍ଗେ ସଙ୍ଗେ ଦଶପଲ୍ଲା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ରେ ପହଞ୍ଚିଥିଲେ । ହେଲେ ସେଠାରେ ଡାକ୍ତର ବିରସେନଙ୍କୁ ମୃତ ଘୋଷଣା କରିଥିଲେ । ପରିବାର ଲୋକେ ରାତି ୧୨.୩୦ ମିନିଟ୍ ବେଳେ ଦଶପଲ୍ଲା ଥାନାରେ ଅଭିଯୋଗ କରିଥିଲେ । ଦଶପଲ୍ଲା ପୋଲିସ ରବିବାର ଦିନ ସକାଳୁ ପ୍ରାଥମିକ ତଦନ୍ତ ଆରମ୍ଭ କରି ସଙ୍ଗେ ସଙ୍ଗେ ହତ୍ୟାକାରୀ ରବି ସାହୁ ଏବଂ ତାର ସହଯୋଗୀକୁ ଦଶପଲ୍ଲା ଥାନା ରେ ଅଟକ ରଖିଛି । ଅନ୍ୟପଟେ ମୃତ ବିରସେନଙ୍କ ପରିବାର ଲୋକେ ଏବଂ ଗ୍ରାମବାସୀ କ୍ଷତି ପୂରଣ ଦାବିରେ ଦଶପଲ୍ଲା ଥାନା ଘେରାଉ କରିଥିଲେ । ଦଶପଲ୍ଲା ପୋଲିସ ସମସ୍ତଙ୍କୁ ବୁଝାସୁଝା କରିଥିଲେ ମଧ୍ୟ ରବିବାର ଦିନ ୩ ଘଣ୍ଟିକା ସମୟ ସୁଦ୍ଧା ସବ ବ୍ୟବଚ୍ଛେଦ ହୋଇପାରିନଥିଲା । ସେମିତି ବିରସେନଙ୍କ ମୃତ ଶରୀର ଦଶପଲ୍ଲା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପଡ଼ି ରହିଥିବାର ଦେଖିବାକୁ ମିଳିଥିଲା।





