ନୟାଗଡ଼, (ବାଘୁଆବାର୍ତ୍ତା): ବିଳମ୍ବିତ ରାତିରେ ଘରେ ଚୋର ପସିଥିବା ନେଇ ଦଶପଲ୍ଲା ଥାନାରେ ଅଭିଯୋଗ ହୋଇଥିଲା । ଅଭିଯୋଗକୁ ଭିତିକରି ପୁଲିସ୍ ଏହାର ତଦନ୍ତ କରି ଦୁଇ ଜଣ ଚୋରକୁ କାବୁ କରିଛି ଦଶପଲ୍ଲା ପୁଲିସ୍ । ସୂଚନାନୁସାରେ, ଦଶପଲ୍ଲା ଥାନା ଅନ୍ତର୍ଗତ ରଥ ଗାଁରେ ବସବାସ କରୁଥିବା ପଞ୍ଚାନନ ପ୍ରଧାନଙ୍କ ଘରେ ମଙ୍ଗଳବାର ବିଳମ୍ବିତ ରାତିରେ ଚୋର ପସିଥିଲେ । ଚୋର ଚୋରୀ କରୁଥିବା ବେଳେ ଶବ୍ଧ ହୋଇଥିଲା । ତେବେ ରାତିରେ କଣ ଗୋଟାଏ ଶବ୍ଦ ହେଲା ଜାଣିବା ପାଇଁ ପଞ୍ଚାନନ ଗଲା ବେଳେକୁ ଦୁଇ ଚୋର ଦୌଡି ପଳାଇଥିଲେ । ଏନେଇ ପଞ୍ଚାନନ ଦଶପଲ୍ଲା ଥାନାରେ ଅଭିଯୋଗ କରିଥିଲେ । ଦଶପଲ୍ଲା ପୁଲିସ୍ ଥାନାରେ କେସ୍ ନଂ ୧୫୮/୨୦୨୧ରେ ମାମଲା ରୁଜୁକରି ତଦନ୍ତ କରି ଦୁଇ ଜଣ ଚୋରକୁ ଗିରଫ୍ କରିଛି । ଗିରଫ୍ ହୋଇଥିବା ଦୁଇ ଚୋର ହେଲେ ରଥ ଗାଁର ସାଧୁ ମହାକୁଡ(୩୦) ଓ ଚକାପାଦ ଗାଁର ଜଗଦିଶ୍ ମଲ୍ଲିକ୍(୨୫) । ତଦନ୍ତ କରି ଏହି ଚୋର ଦ୍ୱୟକୁ ପୁଲିସ୍ ଗିରଫ୍ କରିଛି ଆସନ୍ତାକାଲି କୋର୍ଟ ଚାଲାଣ କରାଯିବ ବୋଲି ଦଶପଲ୍ଲା ଥାନା ଅଧିକାରୀ ଜୟପ୍ରକାଶ ପରୀଡା ସୂଚନା ଦେଇଛନ୍ତି ।
