ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଦଶପଲ୍ଲା ଡାକ୍ତରଖାନା ଛକରେ ଥିବା ଲକ୍ଷ୍ମୀବଜାରରେ ଘଟିଥିବା ଏହି ଅଗ୍ନିକାଣ୍ଡରେ ୬ଟି ଦୋକାନ ଜଳି ପୋଡ଼ି ଛାରଖାର ହୋଇଯାଇଛି । ସୂଚନାନୁସାରେ, ରବିବାର ଅପରାହ୍ନରେ ରଞ୍ଜନ ବାରିକଙ୍କ ସେଲୁନରୁ ନିଆଁ ଉଠିଥିଲା । ନିଆଁ ପ୍ରଖର ବେଗରେ ଆଖପାଖରେ ଥିବା ଉହାନ ଖାଁଙ୍କ ଫାଷ୍ଠଫୁଡର ଦୋକାନ, ଜିତେନ୍ ସାହୁଙ୍କ ସ୍ନାସ୍କ ଦୋକାନ, କେଦାର ବାରିକଙ୍କ ସେଲୁନ, ନବୀନ ଦେଓଙ୍କ ସ୍ନାସ୍କ, ପ୍ରମୋଦ ବେହେରାଙ୍କ ଫଳ ଦୋକାନକୁ ଗ୍ରାସ କରି ଦେଇଥିଲା । ନିଆଁର କରାଳ ଋପ ଦେଖି ଦୋକାନୀମାନେ ଭୟଭୀତ ହୋଇପଡ଼ିଥିବା ବେଳେ ଲକ୍ଷାଧିକ ଟଙ୍କାର ସମ୍ପତ୍ତିକୁ ଉଦ୍ଧାର କରି ପାରିନଥିଲେ । ଖବରପାଇ ଦଶପଲ୍ଲା ଅଗ୍ନିଶମ ବିଭାଗ ଦମକଳ ଗାଡ଼ି ଘଟଣାସ୍ଥଳରେ ପହଞ୍ଚି ନିଆଁ ଲିଭାଇଥିବା ଜଣାଯାଇଛି ।
