ଇପିଏଫ୍, ଇଏସ୍ଆଇ ସଠିକ ସମୟରେ ଜମା ହେଉନି
ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲାର ବିଭିନ୍ନ ସରକାରୀ ତଥା ବେସରକାରୀ କାର୍ଯ୍ୟଳୟରେ ଯୁବକ ଯୁବତୀମାନଙ୍କୁ ନିଯୁକ୍ତି ଦେଉଥିବା ଏଜେନ୍ସି ଗୁଡ଼ିକ ଦଲାଲ ସାଜିଛନ୍ତି । ନିଯୁକ୍ତି ଦେବା ଆଳରେ ସେମାନେ ଯୁବକ ଯୁବତୀଙ୍କ ଦରମାର ସିଂଘ ଭାଗ ଠକି ନେଉଥିବା ଅଭିଯୋଗ ହେଉଥିବା ବେଳେ ସେମାନଙ୍କର ଇପିଏଫ୍, ଇଏସ୍ଆଇ ସଠିକ ସମୟରେ ଜମା କରୁନଥିବା ଅଭିଯୋଗ ହେଉଛି । ସଠିକ ସମୟରେ ଇପିଏଫ୍ ଏବଂ ଇଏସ୍ଆଇରେ ଜମା କରିବା ନିମନ୍ତେ ୫ ଶହରୁ ୧ ହଜାର ଟଙ୍କା ସେବା ମୁଲ୍ୟ ମଧ୍ୟ କାଟି ରଖୁଛନ୍ତି । ମାତ୍ର ସଠିକ ସମୟରେ ନିଯୁକ୍ତି ପାଇଥିବା ବ୍ୟକ୍ତିର ଇପିଏଫ୍ ଏବଂ ଇଏସ୍ଆଇ ଅର୍ଥ ଜମା କରାଯାଇନଥିବା ଅଭିଯୋଗ ହୋଇଛି । କେତେକ ସଂସ୍ଥା ନିୟମକୁ ସଠିକ ପାଳନ କରୁଥିବା ବେଳେ ଅଧିକାଂଶ ସଂସ୍ଥା ଏଭଳି ଠକେଇ କରୁଥିବା ଜଣାପଡ଼ିଛି । ଯାହାକୁ ନେଇ ଜିଲ୍ଲାରେ ଆଉଟ୍ ସୋର୍ସିଂ ଜରିଆରେ ନିଯୁକ୍ତି ପାଇଥିବା କର୍ମଚାରୀମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଥିବା ବେଳେ ନିକଟ ଭବିଷ୍ୟତରେ ଏକ ବଡ଼ ଆନ୍ଦୋଳନର ଦାନା ବାନ୍ଧୁଛି । ଜିଲ୍ଲା ପ୍ରଶାସନ ଏଦିଗରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଦାବି ହେଉଛି ।
