ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ପାଣିପୋଇଲା ନିକଟସ୍ଥ ଚିନିଶିଳ୍ପରୁ ଯନ୍ତ୍ରାଂଶ ଚୋରୀ କରୁଥିବା ଘଟଣାରେ ସଦରଥାନା ପୁଲିସ ୪ ଜଣଙ୍କୁ ଗିରଫ କରିଛି । ଏକ ଅଟୋ, ବାଇକ, ଏସ୍କଏଲ ଗାଡ଼ି ଜବତ କରିଛି । ୧ ଟନରୁ ଉର୍ଦ୍ଧ୍ୱ ଯନ୍ତ୍ରାଂଶ ଜବତ କରାଯାଇଛି । ନୟାଗଡ଼ ଚିନିଶିଳ୍ପରୁ ପ୍ରତ୍ୟେହ ଚୋରୀ ହେଉଛି । ସୁରକ୍ଷା ଅଭାବରୁ ଦିନ ଦ୍ୱିପହରରେ ଲୁଟ ଚାଲୁଛି । ଯାହାକୁ ନେଇ ପୁଲିସ ପ୍ରେଟୋଲିଂ ସମୟରେ ଅଭିଯୁକ୍ତ ଧରାପଡ଼ିବା ସହ ଦୁଇଟି ମାମଲା ରୁଜୁ ହୋଇଛି ।
ଗିରଫ ଅଭିଯୁକ୍ତମାନେ ହେଲେ ଫତେଗଡ଼ ଥାନା ବାହାଡ଼ର ହାଡ଼ିବନ୍ଧୁ ସ୍ୱାଇଁ, ସଦରଥାନା ଖେଡ଼ପଡ଼ାର କିଶୋର ପୃଷ୍ଟି, ଖଡ଼ଗପ୍ରସାଦର ମନୋଜ ବେହେରା, ଇଟାମାଟି ଥାନା ଚମ୍ପତ୍ତିପୁର ତ୍ରିଲୋଚନ ଲେଙ୍କା । ପୁଲିସ ସୂଚନାନୁସାରେ, ହାଡ଼ିବନ୍ଧୁ ଏକ ଏସ୍କଏଲ ଗାଡ଼ି ଯୋଗେ ଲୁହା ସାମଗ୍ରୀ ନେଇ ଯାଉଥିବା ବେଳେ ତାହା ଧରାପଡ଼ିଥିଲା । ସେହିଭଳି ଭାବେ ଅନ୍ୟ ଅଭିଯୁକ୍ତମାନେ ଅଟୋ ସାହାର୍ଯ୍ୟରେ ୮୫୦ କେଜିରୁ ଉର୍ଦ୍ଧ୍ୱ ଲୁହା ସାମଗ୍ରୀ ଲୁଟିବାକୁ ବସିଥିଲେ । ପ୍ରେଟୋଲିଂ ଟିମ୍ ତାଙ୍କୁ ଧରିବାରେ ସଫଳ ହୋଇଥିବା ସଦରଥାନା ଅଧିକାରୀ ଅନିତା ସାହୁ ସୂଚନା ଦେଇଛନ୍ତି । ଅନ୍ୟପକ୍ଷେ, ବାଲୁଗାଁ ପଞ୍ଚାୟତର କିଛି ଯୁବକ ଅଭିଯୁକ୍ତଙ୍କୁ ଧରି ପୁଲିସ ଜିମା ଦେଇଥିବା ସୂଚନା ମିଳିଛି ।





