ଗୁଣପୁର, (ବାଘୁଆବାର୍ତ୍ତା): ରାୟଗଡ଼ା ଜିଲ୍ଲା ଗୁଣପୁରରେ ଟଙ୍କା ବ୍ୟାଗ୍ ଝାମ୍ପିନେଲେ ଦୁର୍ବୃତ୍ତ । ବ୍ୟାଗ୍ରେ ଥିବା ଏକ ଲକ୍ଷ ଟଙ୍କା ଦୁର୍ବୃତ୍ତ ଝାମ୍ପି ନେଇଥିବା ଅଭିଯୋଗ ହୋଇଛି । ମଙ୍ଗଳବାର ଅପରାହ୍ନ ୧ଟା ବେଳେ ସହରର ମାଟିଆ ସାହି ନିକଟରେ ଏଭଳି ଲୁଟ୍ ଘଟଣା ଘଟିଛି । ଗୁଣପୁର ଇଣ୍ଡିଆନ ବ୍ୟାଙ୍କରୁ ଜଙ୍ଗ ଜଙ୍ଗ ଗ୍ରାମର ମାର୍ଗଶିର ଗମାଙ୍ଗ ୧ ଲକ୍ଷ ଟଙ୍କା ଉଠାଇଥିଲେ । ବାଇକ୍ ଖରାପ ଥିବା ଯୋଗୁଁ ମାର୍ଗଶିର ଏବଂ ତାଙ୍କ ଦାଦା ବ୍ୟାଗ୍ରେ ଥିବା ଟଙ୍କା ଧରି ଯାଉଥିଲେ । ସେହି ସମୟରେ ସହରର ମାଟିଆ ସାହି ନିକଟରେ କୌଣସି ଦୁର୍ବୃତ୍ତ କଳା ପଲସର ବାଇକରେ ଆସି ବ୍ୟାଗ୍ଟିକୁ ଝାମ୍ପି ନେଇ ଆଖି ପିଛୁଳାକେ କେଉଁଆଡେ ଚାଲି ଯାଇଥିଲେ ବୋଲି ମାର୍ଗଶିର ଗମାଙ୍ଗ ଅଭିଯୋଗ କରିଛନ୍ତି । ପୋଲିସ ଖବର ପାଇ ସିସିଟିଭି ଯାଞ୍ଚ ପ୍ରକ୍ରିୟା ଆରମ୍ଭ କରିଛି ।





