ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ସଦର ଥାନା ଅଞ୍ଚଳରେ ଅଘଟଣ । ଜଣଙ୍କ ଘର କବାଟ ଭାଙ୍ଗି ଡକାୟତି । ସଦର ଥାନା ଅନ୍ତର୍ଗତ କ୍ରୀଦାସପୁର ଗ୍ରାମ ପଞ୍ଚାୟତ ଗୋଡିପାଟଣା ଗ୍ରାମରେ ଦେଖିବାକୁ ମିଳିଛି ଏଭଳି ଘଟଣା । ଗତ କାଲି ରାତିରେ ଉକ୍ତ ଗ୍ରାମର ପ୍ରଦୀପ୍ତ ଖଟେଇଙ୍କ ଘରୁ ଚୋରି ହୋଇଛି । ସୁନା ଅଳଙ୍କାର, ଟଙ୍କା, ମଙ୍ଗଳସୁତ୍ର, ହାର ଓ ଚୁଡ଼ି ଚୋରି ହୋଇଥିବା ଜଣା ପଡିଛି । ଗତ କାଲି ରାତିରେ ପରିବାର ବର୍ଗ ଶୋଇ ପଡିଥିବା ବେଳେ ଡକାୟତ ମାନେ କବାଟ ଗ୍ରୀଲ କାଟି ଚୋରି କରିଛନ୍ତି । ପ୍ରଦୀପ୍ତଙ୍କ ସ୍ତ୍ରୀ ବେକରୁ ସୁନା ଅଳଙ୍କାର ଲୁଟ କରୁଥିବା ବେଳେ ହଠାତ୍ ଉଠି ପଡିଥିଲେ । ତତ୍କ୍ଷଣାତ୍ ଡକାୟତ ମାନେ ଉକ୍ତ ସ୍ଥାନ ଛାଡି ପଳାଇ ଯାଇଥିଲେ । ଏହି ଘଟଣାରେ ସଦର ପୁଲିସ ଦୁଇ ଜଣଙ୍କୁ ଅଟକ ରଖିଛି । ପୁର୍ବରୁ ସାଇକେଲ ଚୋରିରେ ଗିରଫ ହୋଇଥିବା ଅଭିଯୁକ୍ତ ବାଙ୍କନିଧି ସାହୁଙ୍କ ପୁଅ କୁମର ରଞ୍ଜନ ସାହୁ ଓ ଏକାଦଶୀ ନାୟକଙ୍କ ପୁଅ ପ୍ରଶାନ୍ତ କୁମାର ନାୟକଙ୍କୁ ପୁଲିସ ଅଟକ ରଖି ଅଧୀକ ତଦନ୍ତ କରୁଛି ।





