ଶାଗୁଆନ ଗଛରେ ଛୁଲିଚି ଯୁବକଙ୍କ ମୃତଦେହ

ଢେଙ୍କାନାଳ, (ବାଘୁଆବାର୍ତ୍ତା): ଶାଗୁଆନ ଗଛରେ ଜଣେ ଯୁବକଙ୍କ ମୃତ ଦେହ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି । ମୃତ ଦେହ ଉଦ୍ଧାର ହୋଇଥିଲେ ମଧ୍ୟ ଯୁବକଙ୍କ ପରିଚୟ ମିଳିପାରି ନାହିଁ । ପୁଲିସ୍ ଘଟଣାସ୍ଥଳରେ ପହଞ୍ଚି ଯୁବକଙ୍କ ମୃତ ଦେହ ଯବତ କରିବା ସହ ପ୍ରାଥମିକ ତଦନ୍ତ ଆରମ୍ଭ କରିଛି । ଏଭଳି ଘଟଣା ଘଟିଛି କାମାକ୍ଷାନଗର ଥାନା ଅଞ୍ଚଳରେ । ସୂଚନାନୁସାରେ, ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ଅଧିନରେ ଥିବା ରଙ୍ଗମାଟିଆ ଗାଁରେ ଥିବା ଅଙ୍ଗନବାଡି କେନ୍ଦ୍ରର ପଛପାଖରେ ଥିବା ଏକ ଶାଗୁଆନ ଗଛରେ ଝୁଲନ୍ତା ଅବସ୍ଥାରେ ଜଣେ ଯୁବକଙ୍କ ମୃତ ଅବସ୍ଥା ଦେଖି ସ୍ଥାନୀୟ ପୁଲିସ୍ ଖବର ଦେଇଥିଲେ ସ୍ଥାନୀୟ ଲୋକ । ଖବର ପାଇ ପୁଲିସ୍ ତୁରନ୍ତ ଘଟଣାସ୍ଥଳରେ ପହଞ୍ଚି ଝୁଲନ୍ତା ଯୁବକର ମୃତ ଦେହ ଉଦ୍ଧାର କରି ଲୋକତାଡ଼ ଆରମ୍ଭ କରିଛି । ହେଲେ ଯୁବକର ପରିଚୟ ମିଳିପାରି ନାହିଁ । ତେବେ ଯୁବକର ଶବ ବେବଚ୍ଛେଦ ରିପୋର୍ଟ ଆସିଲା ପରେ ଏହା ହତ୍ୟା କି ଆତ୍ମହତ୍ୟା ହୋଇଛି ତାର ସତ୍ୟାସତ୍ୟ ଜଣାପଡିବ ବୋଲି ସ୍ଥାନୀୟ ଲୋକମାନେ ଆଶା କରିଛନ୍ତି ।