ନବରଙ୍ଗପୁର, (ବାଘୁଆବାର୍ତ୍ତା): ଡାବୁଗାଁ ବ୍ଲକରେ ବୁଲିଲା କରୋନା ସଚେତନତା ରଥ । ଏହି ସଚେତନତା ରଥକୁ ମୁଖ୍ୟ ଅତିଥି ଭାବେ ବ୍ଲକ ଅଧ୍ୟକ୍ଷ ବଂଶୀଧର ମାଝୀ ସବୁଜ ପତାକା ଦେଖାଇ ପ୍ରାମାଣିକ ଭାବେ ଉଦଘାଟନ କରିଛନ୍ତି । ଡାବୁଗାଁ ବ୍ଲକ ପ୍ରଶାସନ ଓ ହର୍ଷ ଟ୍ରଷ୍ଟର ମିଳିତ ଭାବେ କରୋନା ସଚେତନତା ରଥ ଆଜି ଠାରୁ ଆରମ୍ଭ ହୋଇ ଶୁକ୍ରବାର ପର୍ୟ୍ୟନ୍ତ ଚାଲିବ । ଏହି ସଚେତନତା ରଥ ମାଧ୍ୟମରେ କରୋନା ଭୂତାଣୁରୁ ରକ୍ଷା ପାଇବାର ବିଭିନ୍ନ ଉପାୟ ମାନ ପ୍ରଚାର କରାଯିବ । ସଚେତନତା ବାର୍ତ୍ତା, ମାସ୍କ ପରିଧାନ କରିବା, ସାମାଜିକ ଦୂରତା ରକ୍ଷା କରିବା, ସାନିଟାଇଜର ବ୍ୟବହାର, ସଠିକ ସମୟରେ ଡାକ୍ତରଙ୍କ ପରାମର୍ଶ କରିବା ଆଦି ପ୍ରଚାର କରାଯିବା ସହ ରୋଗକୁ ଲୋକମାନେ ଭୟ ନକରିବା ପାଇଁ ପରାମର୍ଶ ଦିଆଯିବ । ଏଥିରେ ବିଡିଓ ରଞ୍ଜିତାମେରୀ ନାୟକ, ସହକାରୀ ଯନ୍ତ୍ରୀ ବିଜୟ କୁମାର ସିଂ, ଗ୍ରାମ ପଞ୍ଚାୟତ ସଂମ୍ପ୍ରସାରଣ ଅଧିକାରୀ ଏ॰ଡି॰ ପ୍ରସାଦ, ସମେତ ହର୍ଷଟ୍ରଷ୍ଟର ଜିଲ୍ଲା ସଂଯୋଜକ ଦେବାଶିଷ ପତି, ଦଳପତି ପ୍ରଭାତ କୁମାର ସାହୁ ଏବଂ ଦଳପତି ଅଲେଖ ଦଳାଇ ପ୍ରମୁଖ ଉପସ୍ଥିତ ଥିଲେ ।
