ଭୁବନେଶ୍ୱର, (ବାଘୁଆବାର୍ତ୍ତା): ଚଳିତ ବର୍ଷର ପ୍ରଥମ ବାତ୍ୟା । ଦକ୍ଷିଣ-ପୂର୍ବ ଆରବ ସାଗରରେ ଘନଉଛି ଚଳିତ ବର୍ଷର ପ୍ରଥମ ବାତ୍ୟା । ବାତ୍ୟାର ନାଁ ରହିଛି ‘ଟଉକଟାଏ’ । ସପ୍ତାହକ ମଧ୍ୟରେ ଭୟଙ୍କର ରୂପ ନେବ ବାତ୍ୟା । ୨୦୨୧ବର୍ଷର ପ୍ରଥମ ବାତ୍ୟା ‘ଟଉକଟାଏ’ । ବାତ୍ୟା ପ୍ରଭାବରେ କର୍ଣ୍ଣାଟକ, ତାମିଲନାଡୁରେ ପ୍ରବଳ ବର୍ଷା ହେବ । କେରଳ ଓ ଲକ୍ଷାଦୀପରେ ମଧ୍ୟ ପ୍ରବଳ ବର୍ଷା ହେବ । ଆସନ୍ତା ଗୁରୁବାର ଠାରୁ ୧୬ତାରିଖ ପର୍ଯ୍ୟନ୍ତ ଲାଗି ରହିବ ବର୍ଷା । ଦକ୍ଷିଣ-ଦକ୍ଷିଣ ପୂର୍ବ ଲକ୍ଷାଦୀପ ଦେଇ ବାତ୍ୟା ଆସିବ ବୋଲି ଭାରତୀୟ ପାଣିପାଗ କେନ୍ଦ୍ର ପୂର୍ବାନୁମାନ କରିଥିବା ସୂଚନା ମିଳିଛି ।
