କଟକରୁ କିଡନାପ୍ କେନ୍ଦ୍ରାପଡ଼ାରୁ ଉଦ୍ଧାର

କଟକ, (ବାଘୁଆବାର୍ତ୍ତା): କଟକରୁ କିଡନାପ୍ କେନ୍ଦ୍ରାପଡ଼ାରୁ ଉଦ୍ଧାର । ଅପହରଣରେ ବ୍ୟବହୃତ କାର୍ ଓ ୪ଟି ବାଇକ୍ ଏବଂ ଅପହରଣ କରିଥିବା ୭ ଜଣ ଯୁବକଙ୍କୁ ଗିରଫ କଲା କମିଶନରେଟ୍ ପୋଲିସ । ଟ୍ରେଡିଂ ଏଜେନ୍ସୀରେ ଲାଗିଥିବା ଟଙ୍କା ଘାଟା ହେବା ପରେ ଟ୍ରେଡିଂ ଏଜେନ୍ସୀ ମୁଖ୍ୟଙ୍କୁ ଦୁଇ ଇନଭେଷ୍ଟର ଆଉ କିଛି ଯୁବକଙ୍କ ସହ ମିଶି ଉଠାଇନେଇଥିଲେ । କଟକରୁ କିଡନାପ୍ କରି କେନ୍ଦ୍ରାପଡାରେ ଏକ ଅଜ୍ଞାତ ସ୍ଥାନରେ ରଖିଥିଲେ । ପୋଲିସ ଏହି ଯୁବକଙ୍କୁ ଉଦ୍ଧାର କରିଛି । କଟକର ଦୁଇ ଥାନା ଅଧିକାରୀ ଓ ସ୍ପେଶାଲ ସ୍କ୍ୱାର୍ଡ ଟିମ୍ ଏହି ଘଟଣାର ତଦନ୍ତ ଆରମ୍ଭ କରି ସିସିଟିଭି ଫୁଟେଜ ଯାଞ୍ଚ ବେଳେ କିଛି କ୍ଲୁ ମିଳିଲା । ସୂଚନାଯୋଗ୍ୟ ଯେ, ୨୦୧୯ ମସିହାରେ ଖାରବେଳ ନଗର ଥାନା ଅଞ୍ଚଳରେ ଏକ ଟ୍ରେଡିଂ ଏଜେନ୍ସୀ ଖୋଲିଥିଲେ ସୌମ୍ୟରଞ୍ଜନ । ବ୍ୟବସାୟରେ କ୍ଷତି ହେବା ପରେ ସେ କଟକ ଆସି ବଉଳକୁଦ ଅଞ୍ଚଳରେ ରହୁଥିଲେ । ତାଙ୍କୁ କିଡନାପ୍ କରିଥିବା ଯୁବକ ମାନେ ତାଙ୍କୁ ଶାରୀରିକ ନିର୍ଯାତନା ମଧ୍ୟ ଦେଇଥିଲେ । ରାଜେଶ ଦାସ ଜିମ୍ ଟ୍ରେନର ମଧ୍ୟ ଏଥିରେ ସାମିଲ ଥିଲେ । ୭ ଜଣଙ୍କୁ ଏହି ଘଟଣାରେ ଗିରଫ କରାଯାଇଛି । ଏଥିରେ ଜଣେ ଜୁଭେନାଇଲ ମଧ୍ୟ ଅଛନ୍ତି । କିଡନାପ୍ରେ ବ୍ୟବହୃତ ହୋଇଥିବା କାର୍ ଜବତ କରିଛି ପୋଲିସ । ଗିରଫ ୭ ଜଣଙ୍କ ମଧ୍ୟରୁ ଦୁଇ ଜଣ ସୌମ୍ୟଙ୍କ ଟ୍ରେଡିଂ ଏଜେନ୍ସୀରେ ୬୦ ଲକ୍ଷ ଟଙ୍କା ଲଗାଇଥିଲେ । ଏହାସହ ଅପହରଣରେ ବ୍ୟବହୃତ ୪ଟି ବାଇକ୍ ଓ ଗୋଟିଏ କାର୍ ଜବତ କରାଯାଇଥିବା କଟକ ଡିସିପି ଋଷିକେଶ ଖିଲାରୀ ସୂଚନା ଦେଇଛନ୍ତି ।