ବିଭିନ୍ନ ଦାବି ନେଇ ଜିଲ୍ଲାପାଳ ଅଫିସ୍ ଘେରିଲା ମିଳିତ କେନ୍ଦ୍ରୀୟ ଶ୍ରମିକ ସଂଗଠନ

କଟକ, (ବାଘୁଆବାର୍ତ୍ତା): ମିଳିତ କେନ୍ଦ୍ରୀୟ ଶ୍ରମିକ ସଂଗଠନ ପକ୍ଷରୁ କଟକ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି । ସରକାରଙ୍କ ନୂତନ ଶ୍ରମ ଆଇନ ଯୋଗୁଁ ଶ୍ରମିକ ମାନଙ୍କର ମୌଳିକ ଅଧିକାର କ୍ଷୁର୍ଣ୍ଣ ହେଉଥିବା ଅଭିଯୋଗ କରି ଏହି ବିକ୍ଷୋଭ କରାଯାଇଛି । ଆସନ୍ତା ଜୁଲାଇ ୯ ତାରିଖରେ ଶ୍ରମିକ ମାନଙ୍କର ଦାବି ନେଇ ଦେଶବ୍ୟାପୀ ବିକ୍ଷୋଭ ପ୍ରଦର୍ଶନ କରାଯିବ । ଶ୍ରମିକ ସଂଗଠନ ଗୁଡିକର ଅଭିଯୋଗ ଅନୁସାରେ, ୯୪ ପ୍ରତିଶତ ଶ୍ରମିକ ସର୍ବନିମ୍ନ ମଜୁରୀ ଓ ପେନସନ ପାଉ ନାହାନ୍ତି । ଅନ୍ୟପଟେ ଠିକା ନିଯୁକ୍ତି ବ୍ୟବସ୍ଥା ଯୋଗୁଁ ଲକ୍ଷାଧିକ ଠିକା କର୍ମଚାରୀ ଶୋଷଣର ଶୀକାର ହେଉଥିବା ଶ୍ରମିକ ସଂଗଠନ ଗୁଡିକ ଅଭିଯୋଗ କରିଛନ୍ତି । ତେଣୁ ଠିକା ନିଯୁକ୍ତି ବ୍ୟବସ୍ଥା ଉଚ୍ଛେଦ ସହ ଠିକା କର୍ମଚାରୀ ମାନଙ୍କୁ ନିୟମିତ କରିବା ଦାବି ନେଇ ଏହି ଶ୍ରମିକ ସଂଗଠନ ଗୁଡିକ ଆନ୍ଦୋଳନକୁ ଓହ୍ଲାଇଛନ୍ତି । ସେପେଟ ଆସନ୍ତା ଜୁଲାଇ ୯ ତାରିଖରେ ଶ୍ରମିକ ମାନଙ୍କର ଦାବି ନେଇ ଦେଶ ସାରା ବିକ୍ଷୋଭ ପ୍ରଦର୍ଶନ କରାଯିବା ନେଇ କାର୍ଯ୍ୟକ୍ରମ ସ୍ଥିର ହୋଇଛି । ଏହି ଦେଶବ୍ୟାପୀ ବିକ୍ଷୋଭ ପ୍ରଦର୍ଶନରେ ମିଳିତ ଶ୍ରମିକ ସଂଗଠନ ସକ୍ରିୟ ଯୋଗଦାନ କରିବ ବୋଲି ସୂଚନା ଦେଇଛି ।