ଭୁବନେଶ୍ବର, (ବାଘୁଆବାର୍ତ୍ତା): ଜେଲ ଯିବେ ଅର୍ଚ୍ଚନା ନାଗ । ତୃତୀୟ ପର୍ୟ୍ୟାୟ ରିମାଣ୍ଡ ଆବେଦନକୁ ଖାରଜ କଲେ କୋର୍ଟ । ତୃତୀୟ ପର୍ୟ୍ୟାୟରେ ୨ ଦିନ ପାଇଁ ଇଡି ରିମାଣ୍ଡ ଆବେଦନ କରଥିବା ବେଳେ କୋର୍ଟ ଏହାକୁ ଖାରଜ୍ କରିଦେଇଥିବା ସୂଚନା ମିଳିଛି । ଆଜି ଇୟହ ୩ କୋର୍ଟରେ ହାଜର ହୋଇଥିଲେ ଅର୍ଚ୍ଚନା । କୋର୍ଟରେ ହାଜର ପରେ ଆଉ ଦୁଇ ଦିନ ରିମାଣ୍ଡ ମାଗିଥିଲା ଇଡି । ଏସଏଫଏସଏଲ ଡିଜିଟାଲ ତଥ୍ୟ ଦେବାରେ ବିଳମ୍ବ କରୁଥିବା ନେଇ କୋର୍ଟକୁ ଅବଗତ କରାଇଥିଲେ ଇଡିର ଓକିଲ । ଡିଜିଟାଲ ଏଭିଡେନ୍ସ ରିପୋର୍ଟ ଆଧାରରେ ଜେରା ପାଇଁ ରିମାଣ୍ଡ ଆବେଦନ କରିଥିଲା ଏଜେନ୍ସି । ତୃତୀୟ ପର୍ୟ୍ୟାୟ ରିମାଣ୍ଡକୁ କୋର୍ଟ ଖାରଜ କରିଦେଇଛନ୍ତି । ସୂଚନା ଥାଉକି ଲେଡି ବ୍ଲାକ ମେଲର ଅର୍ଚ୍ଚନା ନାଗ ଗିରଫ ମାମଲାରେ ଆଜି ଶେଷ ହୋଇଥିଲା ଅର୍ଚ୍ଚନା ନାଗ ରିମାଣ୍ଡ ଅବଧି । ସୋମବାର ପୁଣି କୋର୍ଟରେ ଅର୍ଚ୍ଚନାଙ୍କୁ ହାଜର କରାଇଥିଲା ଇଡି । ଦ୍ବିତୀୟ ପର୍ୟ୍ୟାୟ ରିମାଣ୍ଡରେ ମଧ୍ୟ ମୁହଁ ଖୋଲିଲେନି ଅର୍ଚ୍ଚନା । ଏହି ପର୍ୟ୍ୟାୟ ରିମାଣ୍ଡରେ ଅର୍ଚ୍ଚନା, ଜଗବନ୍ଧୁ ଓ ଶ୍ରଦ୍ଧାଞ୍ଜଳିଙ୍କୁ ସାମ୍ନାସାମ୍ନି ଜେରା କରିଥିଲା ଇଡି । ଜେରା ବେଳେ ବିଭିନ୍ନ ବ୍ୟାଙ୍କ କର୍ମଚାରୀଙ୍କୁ ଡକାଇ ତର୍ଜମା ମଧ୍ୟ ଇଡି କରିଛି । ଖବର ଅନୁଯାୟୀ, ଆର୍ଥିକ ହେରଫେର୍ ମାମଲାରେ ତନାଘନା କରୁଛି ପ୍ରବର୍ତ୍ତନ ନିର୍ଦ୍ଦେଶାଳୟ । ଏହିକ୍ରମରେ ଅର୍ଚ୍ଚନା ନାଗଙ୍କୁ ପ୍ରଥମେ ୭ଦିନିଆ ରିମାଣ୍ଡରେ ନେଇଥିଲା ଇଡି । ହେଲେ ଏହି ସମୟରେ ଇଡିକୁ କିଛି ବିଶେଷ ତଥ୍ୟ ଦେଇନଥିଲେ ଅର୍ଚ୍ଚନା । ପରବର୍ତ୍ତୀ ସମୟରେ ପ୍ରଥମ ରିମାଣ୍ଡ ଅବଧି ଶେଷ ହେବା ପରେ ପୁଣି ଥରେ ଅର୍ଚ୍ଚନାଙ୍କୁ ରିମାଣ୍ଡରେ ନେଇଥିଲା ଇଡି । କିନ୍ତୁ ୨ୟ ପର୍ୟ୍ୟାୟରେ ବି କିଛି ମୁହଁ ଖୋଲିନଥିଲେ ଅର୍ଚ୍ଚନା । ଏହି ସମୟରେ ଜଗବନ୍ଧୁ, ଅର୍ଚ୍ଚନା ଓ ଶ୍ରଦ୍ଧାଞ୍ଜଳିଙ୍କୁ ସାମ୍ନାସାମ୍ନି ଜେରା କରିଥିଲେ ପ୍ରବର୍ତ୍ତନ ନିର୍ଦ୍ଦେଶାଳୟ । ହେଲେ ବିଶେଷ କିଛି ଫରକ ପଡିନଥିଲା । ପୂର୍ବ ପରି ତଥ୍ୟ ଇଡିକୁ ବିଶେଷ କିଛି ତଥ୍ୟ ଦେଇନାହାନ୍ତି ଅର୍ଚ୍ଚନା ।





