କୋଲକତା (ବାଘୁଆବାର୍ତ୍ତା): ବନ୍ଧା ହେଲେ ରଙ୍ଗିଲା ଯୁବକ, ଜଣ ଜଣ କରି ପ୍ରଲୋଭନ ଦେଖାଇ କରୁଥିଲେ ବିବାହ । ଜଣେ ସ୍ତ୍ରୀଙ୍କ ଅଭିଯୋଗକ୍ରମେ ସିଙ୍ଗୁର ଥାନା ପୁଲିସ ରାକେଶ ଚୌଧୁରୀ ନାମକ ଜଣେ ଯୁବକଙ୍କୁ ଗିରଫ କରିଛି । ପୋଲିସ ତାଙ୍କୁ ବିଧାନନଗରର ଏକ ହୋଟେଲରୁ ଗିରଫ କରିଥିବା ଜଣାପଡିଛି । ତାଙ୍କୁ ଚନ୍ଦନନଗର ସଦର ମହକୁମା ଅଦାଲତରେ ହାଜିର କରାଯାଇଛି । ଅଦାଲତ ତାଙ୍କ ଜାମିନ ଆବେଦନ ଅଗ୍ରାହ୍ୟ କରି ୫ ଦିନ ପାଇଁ ପୁଲିସ ହେପାଜତକୁ ପଠାଇ ଦେଇଛନ୍ତି । ପୁଲିସ ସୂତ୍ରରୁ ପ୍ରକାଶ ଯେ, ରାକେଶର ଘର ଜଲପାଇଗୁଡିରେ । ଫେସବୁକ ମାଧ୍ୟମରେ ରାକେଶ ସହ ବହୁ ମହିଳାଙ୍କର ପରିଚୟ ହୋଇଥିଲା । ସେହି ମହିଳାମାନଙ୍କୁ ସେ ନିଜକୁ ଜଣେ ସରକାରୀ ଚାକିରିଆ ତ ଆଉ କେତେକଙ୍କୁ ପର୍ଯ୍ୟଟନ ବ୍ୟବସାୟୀ ପ୍ରତିଷ୍ଠାନର ମାଲିକ ବୋଲି ପରିଚୟ ଦେଇଥିଲା । ଧୀରେ ଧୀରେ ମହିଳାମାନେ ରାକେଶ ପ୍ରତି ଆକୃଷ୍ଟ ହେବା ପରେ ବିଭିନ୍ନ ପ୍ରକାର ପ୍ରଲୋଭନ ଦେଖାଇ ସିଧାସଳଖ ବିବାହ ପ୍ରସ୍ତାବ ଦେଉଥିଲା । ତାଙ୍କର ଏପରି ପ୍ରେମ ଜାଲରେ ପଡି କେତେଜଣ ବିବାହ କରିଥିବା ବେଳେ ଆଉ କେହି କେହି ସହବାସ ପରେ ଦୂରେଇ ଦେଉଥିଲେ । ବିବାହ ଭିନ୍ନ ଭିନ୍ନ ସ୍ଥାନରେ ହେଉଥିଲା । ଏହିପରି ଭାବେରେ ଦମଦାର ଜଣେ ତରୁଣୀ ସହିତ ରାକେଶର ଫେସବୁକରେ ପରିଚୟ ହୋଇଥିଲା । ସମ୍ପୃକ୍ତ ତରୁଣୀ ଜଣକୁ ସେ ଏକ ବଡ ପର୍ଯ୍ୟଟନ ସଂସ୍ଥାର ସିଏମଡି ବୋଲି ପରିଚୟ ଦେଇଥିଲା । କ୍ରମେ ଉଭୟଙ୍କ ମଧ୍ୟରେ ସଂପର୍କ ଘନିଷ୍ଠ ହେବାରେ ଲାଗିଲା । ଏହାପରେ ରାକେଶ ଯୁବତୀ ଜଣଙ୍କୁ ସିଙ୍ଗୁର ନେଇ ଆସି ଜଣେ ଭଡାଟିଆ ଆତ୍ମୀୟ ସ୍ୱଜନଙ୍କ ଉପସ୍ଥିତିରେ ବିବାହ କରିଥିଲା । ସିଙ୍ଗୁରରେ ଘରଭଡା ନେଇ ଉଭୟ ଦେଢ଼ମାସ କାଳ ରହିଥିଲେ । କିନ୍ତୁ ସମ୍ପୃକ୍ତ ଯୁବତୀ ଜଣକ ରାକେଶ ଆଉ କେତେଜଣକୁ ବିବାହ କରିଛି ଓ ବିଶ୍ୱାସ ଜନ୍ମାଇ ସେମାନଙ୍କ ସହ ଅନୈତିକ କାର୍ଯ କରିଥିବା ଜାଣିବାକୁ ପାଇଥିଲେ । ରାକେଶର ଏହି କଳାକାରନାମା ମୁଖା ଖୋଲାଯିବା ପରେ ସମ୍ପୃକ୍ତ ଯୁବତୀ ଉପରେ ସେ ଅତ୍ୟାଚାର ଆରମ୍ଭ କରିଦେଇଥିଲା । ଏହା ମଧ୍ୟରେ ସୁଯୋଗ ଉଣ୍ଡି ସମ୍ପୃକ୍ତ ଯୁବତୀ ଜଣକ ସିଙ୍ଗୁର ଥାନାର ଦ୍ୱାରସ୍ଥ ହୋଇ ରାକେଶ ବିରୋଧରେ ଏକାଧିକ ବିବାହ ଓ ବିବାହ ପ୍ରଲୋଭନ ଦେଖାଇ ସହବାସ ଅଭିଯୋଗ କରିଥିଲେ । ପୁଲିସ ଏହାର ତଦନ୍ତ କରି ରାକେଶ ବିରୋଧରେ କୋଲକତା ବ୍ୟତୀତ ଅନ୍ୟ ଜିଲ୍ଲାରେ ମଧ୍ୟ ବିଭିନ୍ନ ଥାନାରେ ଅଭିଯୋଗ ଥିବା ଜାଣିବାକୁ ପାଇଥିଲା । ତଦନ୍ତ କରିବା ବେଳେ ପୋଲିସ ଚକିତ ହେବାଭଳି ତଥ୍ୟ ପାଇଥିଲା । ରାକେଶ ଅତି କମରେ ୩୫ ଜଣରୁ ବେଶି ମହିଳାଙ୍କୁ ପ୍ରଲୋଭନ ଦେଖାଇ ଅନୈତିକ କାର୍ଯ୍ୟରେ ଲିପ୍ତ ଥିବା ଜାଣିବାକୁ ପାଇଥିଲା । ଅନ୍ୟପକ୍ଷରେ ଏକ ଦୁଷ୍କର୍ମ ମାମଲାରେ ଏକ ବର୍ଷ ଜେଲ ମଧ୍ୟ ରାକେଶ ଯାଇଥିବା ଜଣାପଡିଛି । ସେ ଗୋଟିଏ ଜାଗାରେ ବେଶି ଦିନ ରିହି ନଥାଏ । ରାକେଶର ମୋବାଇଲ ଫୋନକୁ ଟ୍ରାକିଂ କରି ଶନିବାର ବିଳମ୍ବିତ ରାତିରେ ବିଧାନନଗରର ଏକ ହେଟେଲରୁ ଗିରଫ କରିବାରେ ସଫଳ ହୋଇଥିଲା ।
ବନ୍ଧା ହେଲା ରଙ୍ଗିଲା ଯୁବକ, ଏକାଧିକ ବିବାହ, ୩୫ରୁ ଅଧିକ ମହିଳାଙ୍କ ସହ ସମ୍ପର୍କ
