ନବରଙ୍ଗପୁର, (ବାଘୁଆବାର୍ତ୍ତା): ଲକଡାଉନରେ ସକ୍ରିୟ ହୋଇପଡିଛନ୍ତି ଗଞ୍ଜେଇ ବେପାରୀ । କେତେବେଳେ ପଣସ ବୋଝେଇ ଗାଡିରେ ତ ଆଉ କେତେବେଳେ କଖାରୁ ଓ ବାଇଗଣ ବୋଝେଇ ଗାଡିରେ ଗଞ୍ଜେଇ ଚାଲାଣ କରୁଛନ୍ତି । ପୋଲିସକୁ ଚକମା ଦେବା ପାଇଁ ବିଭିନ୍ନ ଉପାୟ ଆପଣାଉଛନ୍ତି । ଗଞ୍ଜେଇ ଚାଲାଣକାରୀ ପୋଲିସ ହାତରେ ଧରାପଡୁଛନ୍ତି । ଏକ ବୋଲେରୋରେ ଗଞ୍ଜେଇ ଚାଲାଣ ହେଉଥିବା ବେଳେ ପୋଲିସ ଚଢାଉ କରି ୬୪ କେଜି ଗଞ୍ଜେଇ ଜବତ କରିଛି । ଏଥିସହ ୨ ଜଣଙ୍କୁ ଗିରଫ କରିଛି ମଇଦଲପୁର ପୋଲିସ। ଏକ ବୋଲେରୋରେ ମାଲକାନଗିରିରୁ ଝାଡଖଣ୍ଡ କୁ ଗଞ୍ଜେଇ ଚାଲାଣ ହେଉଥିଲା । ଏ ସମ୍ପର୍କରେ ଖବର ପାଇ ବୋଲେରୋକୁ ମଇଦଲପୁର ପୋଲିସ ଯାଞ୍ଚ କରିଥିଲା । ଏଥିରୁ ୬୪ କେଜି ପୋଲିସ ଜବତ କରିଥିଲା । ଏଥିସହ ୨ ଜଣଙ୍କୁ ଗିରଫ କରିଥିଲା ପୋଲିସ । ଜବତ ଗଞ୍ଜେଇର ଆନୁମାନକିକ ମୂଲ୍ୟ ୪ ଲକ୍ଷ ଟଙ୍କା ହେବ ।
