ସାମାନ୍ୟ ବଚସାରୁ ଭୁଲିଗଲେ ବନ୍ଧୁତ୍ୱ, ଛୁରୀ ଭୁସି ନେଲେ ସାଙ୍ଗର ଜୀବନ

ଖୋର୍ଦ୍ଧା, (ବାଘୁଆବାର୍ତ୍ତା): ସାମାନ୍ୟ ବଚସାରୁ ଭୁଲିଗଲେ ବନ୍ଧୁତ୍ବ, ନେଲେ ସାଙ୍ଗର ଜୀବନ।ଏଭଳି ଏକ ଅଭାବନୀୟ ଘଟଣା ଘଟିଛି ଖୋର୍ଦ୍ଧା ବାଇପାସ ଅଞ୍ଚଳରେ। ଖୋର୍ଦ୍ଧା ସ୍ପିନିଙ୍ଗ ମିଲ ଲେବର କଲୋନୀର ରଶ୍ମିରଞ୍ଜନ ପାଟଯୋଶୀଙ୍କୁ ତାଙ୍କ ସାଙ୍ଗ ମୁନା ଭୋଇ ଛୁରୀ ଭୁସି ହତ୍ୟା କରିଛି। ଆଦର୍ଶ ଥାନା ପୋଲିସ ଏ ଘଟଣାରେ ମୁଖ୍ୟ ଅଭିଯୁକ୍ତ ମୁନା ଭୋଇଙ୍କୁ ଅଟକ ରଖି ତଦନ୍ତ ଜାରି କରିଛି। ଖୋର୍ଦ୍ଧା ସ୍ପିନିଙ୍ଗ ମିଲ ଲେବର କଲୋନୀରେ ରଶ୍ମିରଞ୍ଜନ ପାଟ୍ଟଯୋଶୀ ରୁହନ୍ତି । ଖୋର୍ଦ୍ଧା ଶିଳ୍ପାଞ୍ଚଳରେ ଏକ କମ୍ପାନୀରେ ଡ୍ରାଇଭର ରୁପେ ଚାକିରି କରି ରଶ୍ମିରଞ୍ଜନ ପରିବାର ଭରଣପୋଷଣ କରୁଥିଲେ। ଗତକାଲି ସନ୍ଧ୍ୟା ସମୟରେ ରଶ୍ମିରଞ୍ଜନଙ୍କ ସାଙ୍ଗ ଚାଚେରାସବର ସାହିର ମୁନା ଭୋଇ ଭୁବନେଶ୍ବର ଯିବା ନେଇ ତାଙ୍କୁ ଘରୁ ଡାକି ନେଇଥିଲେ। ପରେ ରାତିରେ କୌଣସି କାରଣରୁ ଦୁଇ ସାଙ୍ଗଙ୍କ ମଧ୍ୟରେ ବଚସା ହୋଇଥିଲା। ପରେ ମୁନା ଉତ୍ତ୍ୟକ୍ତ ହୋଇ ରଶ୍ମିରଞ୍ଜନଙ୍କୁ ଛୁରି ଭୁସି ଦେଇଥିଲେ। ଖବର ପାଇଁ ପରିବାର ଲୋକ ତାଙ୍କୁ ଗୁରୁତର ଅବସ୍ଥାରେ ଖୋର୍ଦ୍ଧା ମେଡିକାଲ ଆଣିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ରଶ୍ମିରଞ୍ଜନଙ୍କ ହତ୍ୟା କରିବା ପରେ ଅଭିଯୁକ୍ତ ମୁନା ଘଟଣା ସ୍ଥଳରୁ ଚମ୍ପଟ ମାରିଥିଲା। ମୁନାକୁ ଧରିବା ନେଇ ଆଦର୍ଶ ଥାନା ପୋଲିସ ଦୁଇଟି ଟିମ ଗଠନ କରିଥିଲା । ପରେ ଗତକାଲି ବିଳମ୍ବିତ ରାତିରେ ଯାଆଁଳା ନିକଟରୁ ପୋଲିସ ମୁନା ଭୋଇକୁ କାବୁ କରିଛି। ଅଭିଯୁକ୍ତ ମୁନାକୁ ଅଟକ ରଖି ପୋଲିସ ତଦନ୍ତ କରୁଛି। ସେପଟେ ମୃତ ରଶ୍ମିରଞ୍ଜନଙ୍କ ସମ୍ପର୍କୀୟ ଉପଯୁକ୍ତ ନ୍ୟାୟ ପାଇଁ ଦାବି କରିଛନ୍ତି।