ଛେଳିକୁ ଗାଡି ମାଡି ଯିବାକୁ କେନ୍ଦ୍ର କରି ଛୁରାମାଡ, ଛୁରାମାଡରେ ଚାଲିଗଲା ଜଗୁଆଳୀର ଜୀବନ, ସ୍ତ୍ରୀ ଓ ପୁଅ ଗୁରୁତର

ଅସ୍ତରଙ୍ଗ, (ବାଘୁଆବାର୍ତ୍ତା): ଅସ୍ତରଙ୍ଗ ଥାନା ଅଧିନ ପାଟସୁନ୍ଦରପୁର ଗାଁରେ ବିଭତ୍ସ କାଣ୍ଡ । ଛେଳିକୁ ଗାଡି ମାଡି ଯିବାକୁ କେନ୍ଦ୍ର କରି ଛୁରାମାଡ । ଫଳରେ ଘଟଣା ସ୍ଥାନରେ ହିଁ ଛେଳି ଜଗୁଆଳୀଙ୍କ ମୃତ୍ୟୁ ହେବା ସହ ସ୍ତ୍ରୀ ଓ ପୁଅ ଗୁରୁତର ହୋଇ ଅସ୍ତରଙ୍ଗ ମେଡିକାଲରେ ଭର୍ତ୍ତି ହୋଇଛନ୍ତି । ସୂଚନା ଥାଉକି, ରାସ୍ତା କଡରେ ଅକ୍ଷୟ ଦାସ ନାମକ ଜଣେ ଜଗୁଆଳୀ ଛେଳି ଚରାଉଥିବା ସମୟରେ ସେହି ବାଟଦେଇ ରାଜୁ ଦାସ ନାମକ ବ୍ୟକ୍ତି ବାଇକ ଯୋଗେ ଆସୁଥିଲେ । ଠିକ୍ ଏତିକିବେଳେ ଛେଳିକୁ ଧକ୍କା ଦେଇଥିଲା ବାଇକ୍ । ଫଳରେ ଛେଳିବାଲା ଅକ୍ଷୟ ଦାସ,ସ୍ତ୍ରୀ ଓ ପୁଅ ରାଗିଯାଇ ପାଟିତୁଣ୍ଡ କରିଥିଲେ । ପରିସ୍ଥିତି ଏପରି ହୋଇଥିଲା ଯେ, ସାମାନ୍ୟ ବଚସାରୁ ରକ୍ତାକ୍ତ ପରିସ୍ଥିତି ସୃଷ୍ଟି ହୋଇଯାଇଥିଲା । ବଚସା ଏତେ ମାତ୍ରାରେ ଉଗ୍ରରୂପ ନେଲା ଯେ ବାଇକି ଆରୋହୀ ରାଜୁ ଦାସ ରାଗରେ ଛେଳିବାଲା ପେଟରେ ଚୁରି ଭୂସିଥିଲେ । ଏହାର ପ୍ରତିବାଦ କରିଥିଲେ ସ୍ତ୍ରୀ ଓ ପୁଅ । ହେଲେ ସେମାନେ ମଧ୍ୟ ବର୍ତ୍ତିନଥିଲେ । ଯେଉଁଥିପାଇଁ ଛେଳି ଜଗୁଆଳିଙ୍କର ଘଟଣା ସ୍ଥାନରେ ମୃତ୍ୟୁ ହେବା ସହ ସ୍ତ୍ରୀ ଓ ପୁଅ ଗୁରୁତର ହୋଇଥିଲେ । ତାଙ୍କୁ ଚିକିତ୍ସା ପାଇଁ ଅସ୍ତରଙ୍ଗ ମେଡିକାଲରେ ଭର୍ତ୍ତି କରାଯାଇଛି । ଖବର ପାଇଁ ଅସ୍ତରଙ୍ଗ ପୋଲିସ ଘଟଣା ସ୍ଥାନରେ ପହଞ୍ଚି ତଦନ୍ତ ଆରମ୍ଭ କରିଛି । ସେପଟେ ଛୁରାମାଡ ପରେ ବାଇକି ଆରୋହୀ ସେଠାରୁ ଫେରାର୍ ହୋଇଯାଇଛି ।