ସମ୍ବଲପୁର, (ବାଘୁଆବାର୍ତ୍ତା): ଯୁବତୀଙ୍କୁ ବିବାହ ପ୍ରତିଶ୍ରୁତି ଦେଇ ପ୍ରତାରଣା। ବିବାହ କରିବେ ବୋଲି ପ୍ରଲୋଭନ ଦେଖାଇ ଯୁବତୀଙ୍କୁ ଗର୍ଭବତୀ କରାଇ ଭିଡିଓ ଭାଇରାଲ୍ କରିବାକୁ ଧମକ ଦେଇ ଗିରଫ ହେଲେ ଯୁବକ। ପୀଡିତା ଯୁବତୀ ଜଣଙ୍କ ହୀରାକୁଦ ଅଞ୍ଚଳର। ଯୁବତୀଙ୍କ ଅଭିଯୋଗ ପରେ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ହୀରାକୁଦ ପୋଲିସ। ସୂଚନାନୁଯାୟୀ, ଦେବଗଡ ତିଲେଇବଣୀ ଅଞ୍ଚଳର ଜୟନ୍ତ କୁମାର ବେହେରା ହୀରାକୁଦ ଅଞ୍ଚଳର ଜଣେ ଯୁବତୀଙ୍କୁ ବିବାହ କରିବେ ବୋଲି କହି ଶାରିରୀକ ସମ୍ପର୍କ ରଖିଥିଲେ। ଏପରିକି ଯୁବତୀଙ୍କୁ ଗର୍ଭବତୀ କରାଇବା ସହ ତାଙ୍କ ଅନ୍ତରଙ୍ଗ ମୁହୂର୍ତ୍ତର ଭିଡିଓ ଭାଇରାଲ୍ କରିବେ ବୋଲି ଧମକ ଚମକ ଦେଉଥିଲେ। ଏନେଇ ପୀଡିତା ଯୁବତୀ ଜଣଙ୍କ ଥାନାରେ ଅଭିଯୋଗ କରିବା ପରେ ଆଜି ହୀରାକୁଦ ପୋଲିସ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି। ତେବେ ଅଭିଯୁକ୍ତ ଯୁବକ ପୂର୍ବରୁ ବିବାହିତ ହୋଇଥିବା ସତ୍ତ୍ଵେ ପୀଡିତାଙ୍କୁ ବିବାହ ପ୍ରଲୋଭନ ଦେଖାଇ ଶାରିରୀକ ସମ୍ପର୍କ ରଖିଥିଲେ।
