ଦୁଇ ରାଉଣ୍ଡ ଗୁଳି ଫୁଟାଇ ମହିଳାଙ୍କ ବେକରୁ ସୁନାଚେନ ଲୁଟିନେଲା ଦୁର୍ବୃତ୍ତ, ବାଇକ ଛାଡି ଦୁର୍ବୃତ୍ତ ଫେରାର

ସୋର, (ବାଘୁଆବାର୍ତ୍ତା): ପୋଲିସ ଲୁଟେରା ହାଇଡ୍ରାମା । ତାଳକୁରୁଣିଆ ନିକଟରୁ ମହିଳାଙ୍କ ବେକରୁ ସୁନାଚେନ ଲୁଟ୍ । ଦୁଇ ରାଉଣ୍ଡ ଗୁଳି ଚଳାଇ ବାଇକ ଛାଡି ଦୁର୍ବୁର୍ତ୍ତ ଫେରାର କ୍ଷ ବାଲେଶ୍ୱର ଜିଲ୍ଲା ବାହାନଗା ବ୍ଲକ ତଳକୁରୁଣିଆ ଛକରୁ ଜଣେ ମହିଳା ସ୍କୁଟିରେ ଯାଉଥିବା ବେଳେ ଦୁଇ ଜଣ ଦୁର୍ବୃତ୍ତ ଏକୁଟିଆ ପାଇ ତାଙ୍କ ସ୍କୁଟି ଅଟକାଇଥିଲେ । ଛୁରୀ ଦେଖାଇ ଭୟଭୀତ କରି ତାଙ୍କ ବେକରୁ ସୁନା ଚେନ ଛିଡ଼ାଇନେଇ ପଳାଇ ଯାଉଥିବା ବେଳେ ମହିଳା ଜଣଙ୍କ ପାଟି କରିବାରୁ ସ୍ଥାନୀୟ ଲୋକେ ଦୁର୍ବୁର୍ତ୍ତଙ୍କୁ ଅଟକାଇବାକୁ ଚେଷ୍ଟା କରୁଥିବା ବେଳେ ସେମାନେ ଖସି ଯିବାକୁ ସାଉଡୁ ନାୟକ ବନ୍ଦ ସଫଳ ହୋଇଥିଲେ । କିନ୍ତୁ ଖବରପାଇ ଛବାଟିଆ ଛକରେ କିଛି ଲୋକ ରୁଣ୍ଡ ହୋଇ ଦ୍ରୁତଗତିରେ ଆସୁଥିବା ଦୁର୍ବୁତ୍ତଙ୍କ ବାଇକକୁ ଅଟକାଇବା ପାଇଁ ରାସ୍ତାରେ ସାଇକେଲ ରଖିଦେଇଥିଲେ । ଦୁର୍ବୃତ୍ତମାନେ ନ ଅଟକିବାରୁ ଲୋକେ ସେମାନଙ୍କ ମୁହଁକୁ ଗରମ ଚାହା ଫିଙ୍ଗିଥିଲେ. ଫଳରେ ସେମାନେ ବାଇକରୁ ପଡି ଯାଇ ଲୋକଙ୍କୁ ଭୟଭୀତ କରିବା ପାଇଁ ଦୁଇ ରାଉଣ୍ଡ ଗୁଳି ଚାଳନା କରିବା ସହ ବିଲ ମଧ୍ୟକୁ ଦୌଡ଼ି ପଳାଇ ଯାଇଥିଲେ । ଖବରପାଇ ସୋର ପୋଲିସ ଘଟଣା ସ୍ଥଳରେ ପହଂଚି ବାଇକକୁ ଜବତ କରିବା ସହ ସ୍ଥାନୀୟ ଲୋକଙ୍କ ସହାୟତାରେ ଦୁର୍ବୃତ୍ତଙ୍କୁ ଧରିବା ପାଇଁ ଚେଷ୍ଟା ଚଳାଇଛି ।