ବଲାଙ୍ଗିର, (ବାଘୁଆବାର୍ତ୍ତା): ଏଟିଏମରେ ଲୋକଙ୍କୁ ସାହାଯ୍ୟ କରିବା ବାହାନାରେ ଲୁଟ୍ କରୁଥିଲେ । ହରିୟାଣାରୁ ଆସି ସ୍ମାର୍ଟ ଉପାୟରେ ସ୍ବାପିଂ ମେସିନ ସାହାଯ୍ୟରେ ଲୁଟ୍ କରୁଥିବା ୩ ଯୁବକଙ୍କୁ ପୁଲିସ ଗିରଫ କରିଛି । ଏମାନେ ହେଲେ ହରିୟାଣାର ସଞ୍ଜିବ ସିଂ(୪୨), ସୁମିତ(୨୨), କୁଲଦିପ(୩୪) । ଗତକାଲି ଏମାନେ ବଲାଙ୍ଗିର ଡେଲିମାର୍କେଟରେ ଥିବା ଏକ୍ସିସ ବ୍ୟାଙ୍କ ଏଟିଏମ୍ରୁ ସବ୍ୟସାଚୀ ପଣ୍ଡା ନାମକ ଜଣେ ଯୁବକଙ୍କ କାର୍ଡ ନେଇ ଅଭିନବ ଢଙ୍ଗରେ ସ୍ବାପିଂ ମେସିନରେ ଟଙ୍କା ଲୁଟ୍ ଉଦ୍ୟମ କରୁଥିଲେ। ଯାହାକୁ ଯୁବକ ଜଣକ ଜାଣି ପାରିଥିଲେ । ସ୍ଥାନୀୟ ଲୋକେ ଜଣକୁ କାବୁ କରି ପୁଲିସରେ ଦେଇଥିଲେ । ଆନ୍ୟ ସହଯୋଗୀଙ୍କୁ ପୁଲିସ ପିଛା କରିଥିଲା । ଜଣକୁ ଦେଓଗାଁ, ଏବଂ ଅନ୍ୟଜଣକୁ ଟିଟିଲାଗଡ଼ ଷ୍ଟେସନରୁ ଟ୍ରେନ ଭିତରୁ ଗିରଫ କରାଯାଇଥିଲା । ଏମାନଙ୍କଠାରୁ ୩୭ହଜାର ଟଙ୍କା, ୨ଟି ସ୍ବାଇପ୍ ମେସିନ୍, ୧୪ଟି ଏଟିଏମ୍ କାର୍ଡ ଓ ୩ଟି ମୋବାଇଲ ଜବତ କରାଯାଇଛି । ଏମାନଙ୍କୁ ଆଜି କୋର୍ଟ ଚାଲାଣ କରାଯିବ ବୋଲି ଏସଡିପିଓ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
