ବ୍ରହ୍ମପୁର, (ବାଘୁଆବାର୍ତ୍ତା): ଗୋସାଇଁନୂଆଗାଁ ଥାନା ପୁଲିସ ଜାତୀୟ ରାଜପଥ ପାଶ୍ୱର୍ ଏକ ଢାବା ନିକଟରେ ଚାଲିଥିବା ଜୁଆ ଆଡ୍ଡାରୁ ୧୭ ଜଣଙ୍କୁ ଗିରଫ କରିଛି । ସେଠାରୁ ନଗଦ ୧ ଲକ୍ଷ ୪୮ ହଜାର ୫୮୫ ଟଙ୍କା ଜବତ ହୋଇଛି । ଢାବା ନିକଟରେ ଏକ ବଡ଼ ଧରଣର ଜୁଆ ଆଡ୍ଡା ଚାଲୁଥିବା ଗୋସାଇଁନୂଆଗାଁ ପୁଲିସର ପାଟ୍ରୋଲିଂ ଟିମକୁ ଖବର ମିଳିଥିଲା । ପୁଲିସ ଟିମ ସେଠାରେ ଚଢ଼ଉ କରି ଘଟଣାସ୍ଥଳରୁ ଜୁଆ ଖେଳୁଥିବା ୧୭ ଜଣଙ୍କୁ ଗିରଫ କରିଥିଲା । ସେମାନଙ୍କ ନିକଟରୁ ୧.୪୮ଲକ୍ଷ ଟଙ୍କା ସହ ୪ ପ୍ୟାକେଟ ତାସ୍ ଜବତ କରିଛି । ଏ ନେଇ ବ୍ରହ୍ମପୁର ଏସ୍ପି ଟୁଇଟ ଯୋଗେ ସୂଚନା ଦେବା ସହ ପରମ୍ପରା ନାଁରେ ଜୁଆ ଖେଳି ନିଜର ଟଙ୍କା ଓ ସମ୍ପତ୍ତି ନଷ୍ଟ ନକରିବାକୁ ପରାମର୍ଶ ଦେଇଛନ୍ତି ।
ଢାବା ନିକଟରେ ଚାଲିଥିବା ଜୁଆ ଆଡ୍ଡାରୁ ୧୭ ଜଣଙ୍କୁ ଗିରଫ, ୧ ଲକ୍ଷ ୪୮ ହଜାର ୫୮୫ ଟଙ୍କା ଜବତ
