ଭଦ୍ରକ, (ବାଘୁଆବାର୍ତ୍ତା): ଜମିବାଡି ବିବାଦକୁ କେନ୍ଦ୍ର କରି ସଂଘର୍ଷ । ଦୁଇ ଜଣ ଗୁରୁତର ଓ ଦୁଇ ଜଣ ଆହତ । ସାବରଙ୍ଗ ଥାନା ଅଧୀନ ଚାପୁଣ୍ଡିଆରେ ଦୁଇ ପରିବାର ମଧ୍ୟରେ ଦୀର୍ଘ ଦିନ ହେବ ଜମିବାଡି ବିବାଦ ଲାଗି ରହିଥିଲା । ଏ ନେଇ ଥାନାଠାରୁ କୋର୍ଟ ପର୍ୟ୍ୟନ୍ତ ମାମଲା ଲାଗି ରହିଥିଲା । କୋର୍ଟରେ ମାମଲା ଚାଲୁଥିବା ବେଳେ ଗୋଟିଏ ପକ୍ଷ ବୁଧବାର ଛାତ ପକାଇବାକୁ ଯାଉଥିଲେ । ଏହାକୁ ଅନ୍ୟ ପକ୍ଷ ପ୍ରତିବାଦ କରିଥିଲେ । ଯାହାକୁ କେନ୍ଦ୍ର କରି ଉଭୟଙ୍କ ମଧ୍ୟରେ ଯୁକ୍ତି ତର୍କ ହୋଇଥିଲା । ପ୍ରଥମେ ଟେକା ପଥରରୁ ଆରମ୍ଭ ହୋଇ ତେଣ୍ଟା ଭୁସାଭୁଷି ପର୍ୟ୍ୟନ୍ତ ଯାଇଥିଲେ । ତେବେ ଏହି ଗଣ୍ଡଗୋଳରେ ଦୁଇ ଜଣଙ୍କ ବେକ ଓ ତଣ୍ଟିରେ ତେଣ୍ଟାରେ ଆଘାତ ହୋଇଥିବା ବେଳେ ଅନ୍ୟ ଦୁଇ ଜଣଙ୍କର ପଥର ମାଡରେ ଦେହରେ କ୍ଷତ ଚିହ୍ନ ହୋଇଛି । ସାବରଙ୍ଗ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଏହି ଘଟଣାରେ ସାବରଙ୍ଗ ପୋଲିସ ୪ ଜଣଙ୍କୁ ଅଟକ ରଖି ତଦନ୍ତ ଆରମ୍ଭ କରିଛି ।
