ମୟୂରଭଞ୍ଜ, (ବାଘୁଆବାର୍ତ୍ତା): କୁଟୁରା ମାଂସ ବ୍ୟବସାୟର ପର୍ଦ୍ଦାଫାସ । ବିଶେଷ ସୁତ୍ରରୁ ଖବର ପାଇ ବାରିପଦା ବନାଞ୍ଚଳ ଅଧିକାରୀ ଲଷ୍ମୀଧର ବେହେରାଙ୍କ ତତ୍ୱାବଧାନରେ ଏକ ଦଳ ଚଢଉ କରି ୪ କେଜି କୁଟୁରା ମାଂସ ଜବତ କରିବା ସହ ଅଭିଯୁକ୍ତ ଖେଲା ମାହିଲକୁ ଗିରଫ କରିଛନ୍ତି । ଅଭିଯୁକ୍ତ ମୟୂରଭଞ୍ଜ ଜିଲ୍ଲା ସରତଚନ୍ଦ୍ରପୁର ଗ୍ରାମର ବୋଲି ଜଣାପଡ଼ିଛି । ବ୍ୟବସାୟୀ ବେସରପାଣିରୁ ବାରିପଦା ଅଭିମୁଖେ କୁଟୁରା ମାଂସ ବ୍ୟବସାୟ କରିବା ପାଇଁ ଯାଉ ଥିବା ସମୟରେ ଗୁଣ୍ଡିହୁଡି ଗାଁ ରାସ୍ତା ପାଖରେ ଚଢାଉ କରିଥିଲା ବନ ବିଭାଗ ଟିମ୍ । ଅଭିଯୁକ୍ତ ଠାରୁ ଏକ ମୋଟର ସାଇକେଲ ମଧ୍ୟ ଜବତ ହୋଇଛି । ଅନ୍ୟପଟେ ଅଭିଯୁକ୍ତ କୁ ଗିରଫ କରି ବାରିପଦା ରେଞ୍ଜ କାର୍ୟ୍ୟାଳୟରେ ରଖି ଅଧିକ ତଦନ୍ତ ଜାରି ରହିଛି, ବୋଲି ବାରିପଦା ବନଖଣ୍ଡ ର ସହକାରୀ ବନ ସଂରକ୍ଷକ ଦିଲ୍ଲୀପ କୁମାର ବାରିକ ସୂଚନା ଦେଇଛନ୍ତି।
