ଗାଡିରେ ସେନ୍ସର ଅଛି କି ନାହିଁ ଜାଣିବା ପାଇଁ ଚୋରର ଅଭିନବ ପ୍ରୟାସ

ନିଶ୍ଚିତକୋଇଲି, (ବାଘୁଆବାର୍ତ୍ତା): ଗାଡିରେ ସେନ୍ସର ଅଛି କି ନାହିଁ ଜାଣିବା ପାଇଁ ଚୋରର ଅଭିନବ ପ୍ରୟାସ। ଗାଡି ଆଗରେ ନାଚିଲା, ଛଣ ଗାଡି ଉପରକୁ ଫୋପାଡିଲା। ତାହା ପରେ ଚୋରି ଉଦ୍ୟମ କଲା। କିନ୍ତୁ ଶେଷରେ ଗ୍ରାମବାସୀଙ୍କ ହାତରେ ଚୋର ଧରା ପଡିଥିଲା। କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ପିପି କଲେଜ ଛକ ନିକଟରେ ଏହା ଦେଖିବାକୁ ମିଳିଛି। କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ପିପି କଲେଜ ଛକ କୁ ରାତି ଅଧରେ ଆସିଥିଲା ଡ୍ୟାନ୍ସିଂ ଚୋର। ବାହାରେ ବୋଲେରୋ ଗାଡି ପାଖରେ ପାଗଳ ଭଳି ଅଭିନୟ କରି ନାଚ କରିବା ସହ ଗାଡ଼ି ଉପରକୁ ଛଣ ପକାଉଥିଲା। ତାରି ଭିତରେ ସେ ଏପଟ ସେପଟକୁ ଦେଖି ସ୍ଥିତି ପରଖୁଥିଲା। ଦେଖୁଥିଲା ଗାଡ଼ିରେ ସେନ୍ସର କାମ କରୁଛି କି ନାହିଁ। କେଉଁ ଆଡେ କିଏ ଅଛନ୍ତି କି ନାହିଁ। ଯଦି ସେନ୍ସର ଶବ୍ଦ ହୋଇଥାନ୍ତା ତେବେ ଆହୁରି ଅଧିକ ପାଗଳଙ୍କ ଭଳି ଅଭିନୟ କରିଥାନ୍ତା। କିନ୍ତୁ ସେନ୍ସର ନ ଥିବାରୁ ଚୋର ସାଙ୍ଗରେ ଆଣିଥିବା ଚାବିରେ ଗାଡି ଡୋର ଖୋଲିଲା ଆଉ ଗାଡି ଭିତରକୁ ଯାଇ ଷ୍ଟାର୍ଟ କଲା। ଏତିକି ବେଳେ ଘରଲୋକ ଉଠି ପଡିଲେ। ଆଉ ତାପରେ ଘର ଲୋକଙ୍କୁ ଦେଖି ଚୋରଟି ଦୌଡ଼ିବାକୁ ଲାଗିଲା। ବେଶ କିଛି ସମୟ ଧରି ସ୍ଥାନୀୟ ଲୋକେ ଓ ଚୋର ଦୌଡାଦୌଡ଼ି ପରେ ଚୋରକୁ କାବୁ କରି ନିଶ୍ଚିନ୍ତକୋଇଲି ପୋଲିସର ଜିମା ଦେଇଛନ୍ତି।