କଟକ, (ବାଘୁଆବାର୍ତ୍ତା): କଟକ ଶିଖରପୁର ଅଞ୍ଚଳରେ ଏକ ପାଉଁରୁଟି ଓ ବିସ୍କୁଟ ଫ୍ୟାକ୍ଟ୍ରି ଉପରେ ଚଢାଉ କଲା ସିଏମ୍ସି। ଫ୍ୟାକ୍ଟ୍ରି ପରିସରରୁ ଅନେକ ଅପମିଶ୍ରିତ ସାମଗ୍ରୀ ଏବଂ ବହୁ ପରିମାଣରେ ବାସି ପାଉଁରୁଟି ଓ ବିସ୍କୁଟ ଜବତ କରିଛି ସିଏମ୍ସି ଟିମ୍ । ବିନା ଟ୍ରେଡ ଲାଇସେନ୍ସରେ ପାଉଁରୁଟି ଫ୍ୟାକ୍ଟ୍ରିକୁ ମାଲିକ ଚଳାଉଥିବା ଚଢାଉ ବେଳେ ଜଣାପଡିଛି । ରଙ୍ଗ,ମଇଦା ଓ ଅନେକ ଅପମିଶ୍ରିତ ସାମଗ୍ରୀ ଜବତ ହୋଇଛି। ବର୍ତ୍ତମାନ ପୋଲିସ ଟିମ୍ ଚଢ଼ଉ ଜାରି ରଖିଛି। ଜବତ ହୋଇଥିବା ବିଭିନ୍ନ ନକଲି ଜିନିଷର ନମୁନା ସଂଗ୍ରହ କରାଯାଇଛି। ଏହି ନମୁନା ଗୁଡିକ ଟେଷ୍ଟ ପାଇଁ ଲାବୋରାଟେରୀକୁ ପଠାଯିବ ବୋଲି ଜଣେ ସିଏମ୍ସି ଅଧିକାରୀ ସୂଚନା ଦେଇଛନ୍ତି।
ଏକ ପାଉଁରୁଟି ଓ ବିସ୍କୁଟ ଫ୍ୟାକ୍ଟ୍ରି ଉପରେ ଚଢାଉ କଲା ସିଏମ୍ସି
