ଦୋକାନୀଙ୍କୁ ମାରଣାସ୍ତ୍ରରେ ମରଣାନ୍ତକ ଆକ୍ରମଣ କରି ଟଙ୍କା ଛଡାଇ ନେଲା ଦୁର୍ବୃତ୍ତ

ଚଣ୍ଡିଖୋଲ, (ବାଘୁଆବାର୍ତ୍ତା): ଦୋକାନୀଙ୍କୁ ମରଣାନ୍ତକ ଆକ୍ରମଣ। ଯାଜପୁର ଜିଲ୍ଲା ବାଲିଚନ୍ଦ୍ରପୁର ଥାନା ଅଧୀନ ବିକ୍ରମତୀରଣ ପଞ୍ଚାୟତରେ ବିକ୍ରମତିରଣ ଗ୍ରାମର ବଳରାମ ଧଳଙ୍କୁ ଗତକାଲି ରାତିରେ କେହି ଜଣେ ଦୁର୍ବୃତ୍ତ ମରଣାନ୍ତକ ଆକ୍ରମଣ କରିଛନ୍ତି। ବଳରାମଙ୍କ ମୁଣ୍ଡ ଓ ହାତକୁ ମାରଣାସ୍ତ୍ରରେ ହାଣି ତାଙ୍କ ଠାରୁ ଟଙ୍କା ଛଡାଇ ନେଇଛି ଦୁର୍ବୃତ୍ତ। ବଳରାମ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି ହୋଇଛନ୍ତି। ବାଲିଚନ୍ଦ୍ରପୁର ଥାନା ଅଧୀନ ବିକ୍ରମତୀରଣ ପଞ୍ଚାୟତରେ ବିକ୍ରମତିରଣ ଗ୍ରାମର ବଳରାମ ଧଳ ଗତକାଲି ରାତିରେ ଦୋକାନ ବନ୍ଦ କରି ଘରକୁ ଫେରୁଥିଲେ। ଏହି ସମୟରେ ତାଙ୍କ ଉପରକୁ କେହି ଜଣେ ଦୁର୍ବୃତ୍ତ ମରଣାନ୍ତକ ଆକ୍ରମଣ କରିଥିଲା। ବଳରାମଙ୍କ ମୁଣ୍ଡ ଓ ହାତକୁ ହାଣି ତାଙ୍କ ଠାରୁ ଟଙ୍କା ଛଡାଇନେଇଥିଲା ଦୁର୍ବୃତ୍ତ। ଏତିକି ବେଳେ ବଳରାମ ଚିତ୍କାର କରିବାରୁ ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରିଛନ୍ତି। ଗୁରୁତର ଅବସ୍ଥାରେ ବଳରାମ ମେଡିକାଲରେ ଭର୍ତ୍ତି ହୋଇଛନ୍ତି। ଆଜି ଏନେଇ ବଳରାମ ବାଲିଚନ୍ଦ୍ରପୁର ଥାନାରେ ଲିଖିତ ଅଭିଯୋଗ କରିଛନ୍ତି। ବାଲିଚନ୍ଦ୍ରପୁର ପୋଲିସ ଘଟଣାର ତଦନ୍ତ ଆରମ୍ଭ କରିଛି।