ଜଙ୍ଗଲରୁ କାଠ ପଟା ଚୋରାଚାଲାଣ ବେଳେ ବନବିଭାଗ ପକ୍ଷରୁ ଏକ ଯାତ୍ରୀବାହୀ ଅଟୋ ସହ ୨୦ ଖଣ୍ଡ ପଟା ଜବତ

ଦାରିଙ୍ଗବାଡି, (ବାଘୁଆବାର୍ତ୍ତା): ଦାରିଙ୍ଗବାଡ଼ି ବନାଞ୍ଚଳ ଅଧିନ ଗଦଡ଼ି ସଂରକ୍ଷିତ ଜଙ୍ଗଲରୁ କାଠ ପଟା ଚୋରାଚାଲାଣ ବେଳେ ବନବିଭାଗ ପକ୍ଷରୁ ଚଢ଼ଉ କରାଯାଇ ଏକ ଯାତ୍ରୀବାହୀ ଅଟୋ ସହ ୨୦ ଖଣ୍ଡ ପଟା ଜବତ କରାଯାଇଛି । ଏଥିରେ ସଂପୃକ୍ତ ଜଣଙ୍କୁ ଗିରଫ କରି କୋର୍ଟଚାଲାଣ କରାଯାଇଥିବା ବନାଞ୍ଚଳ ଅଧିକାରୀ ସତୀଶ କୁମାର ଧାରୁଆ ସୂଚନା ଦେଇଛନ୍ତି । ଗିରଫ ଜଣକ ରାଇକିଆ ଥାନା ଅନ୍ତର୍ଗତ ସିପାଏଜୁ ଗ୍ରାମର କଇନ ଦିଗାଲ କ୍ଷ ଜବତ ଅଟୋରୁ ୧୧ ଖଣ୍ଡ ଶାଳ ଓ ୯ ଖଣ୍ଡ ପିଆଶାଳ ପଟା ଜବତ ହୋଇଥିବା ବେଳେ ଏହି କାଠ ରାଇକିଆ ଥାନା କତିଙ୍ଗିଆ ଗ୍ରାମକୁ ଚୋରାଚାଲାଣ ହେଉଥିବା ବନବିଭାଗ ପକ୍ଷରୁ ସୂଚନା ମିଳିଛି । ଶୁକ୍ରବାର ରାତ୍ରି ସମୟରେ ବନବିଭାଗ ପକ୍ଷରୁ ପେଟ୍ରୋଲିଂ ଚାଲିଥିବା ବେଳେ ଗଦଡ଼ି ଗ୍ରାମ ନିକଟରେ ଏକ କାଠ ପଟା ବୋଝେଇ ଅଟୋ ରାଇକିଆ ଅଭିମୁଖେ ଯାଉଥିବା ଦେଖି ଅଟୋକୁ ଅଟକାଇ ଥିଲେ ବନ କର୍ମଚାରୀ । ଯାଂଚ ବେଳେ ଏଥିରେ ଚୋରା କାଠପଟା ଥିବା ଦେଖିବାକୁ ମିଳିଥିଲା । ଏ ନେଇ ମାମଲା ନଂ ୨୯/୨୧-୨୨ ରୁଜୁ କରି ଘଟଣାର ଅଧିକ ତଦନ୍ତ କରୁଛି ବନବିଭାଗ । ଏହି ଚଢ଼ଉରେ ସିମନବାଡ଼ି ବନପାଳ ରବି ମୋହନ ନାୟକ, ବାଡ଼ାବାଙ୍ଗା ବନରକ୍ଷୀ ରାଜେଶ୍ୱର ବଡ଼ମାଝୀ, ବିଜୟାନନ୍ଦ ସେଠୀ,ସଦାଶିବ ଦିଗାଲଙ୍କ ସମେତ ଆଣ୍ଟି ଥେପ୍ଟ ସ୍କ୍ଵାଡର କୃଷ୍ଣ ବେହେରା, ମନୋଜ ବେହେରା, ପାରା ଫରେଷ୍ଟର ପୃଥିବୀ ରାଜପାତ୍ର ପ୍ରମୁଖ ସାମିଲ ହୋଇଥିଲେ ।