ମୁନିଗୁଡା ସହିଦ ଲଖ୍ମଣନାୟକ ଛକରେ ଟ୍ରକ ଚାପାରେ ଜଣେ ଯୁବକଙ୍କ ମୃତ୍ୟୁ

ମୁନିଗୁଡ଼ା, (ବାଘୁଆବାର୍ତ୍ତା): ଟ୍ରକ୍ ଚାପାରେ ଯୁବକ ମୃତ। ରାୟଗଡା ଜିଲ୍ଲା ମୁନିଗୁଡା ସହିଦ ଲଖ୍ମଣନାୟକ ଛକରେ ଟ୍ରକ ଚାପାରେ ଜଣେ ଯୁବକଙ୍କ ମୃତ୍ୟୁ ହୋଇଛି। ମୃତକ ଜଣଙ୍କ ହେଲେ ପାଇକ ସାହିର ସୁବାଷ ସାହୁ। ଦୁର୍ଘଟଣା ଘଟାଇଥିବା ୨ ଟ୍ରକ୍ ଡ୍ରାଇଭରଙ୍କୁ ଅଟକ ରଖିଛି ପୋଲିସ। ସୁବାଷ ପ୍ରତିଦିନ ପରି ଆଜି ମଧ୍ୟ ସକାଳୁ ଲଖ୍ମଣନାୟକ ଛକରେ କିଛି ସମୟ ବସିବା ପରେ ରାସ୍ତା ପାର ହେଉଥିଲେ। ଏତିକି ବେଳେ ଦୃତ ଗତିରେ ଆସୁଥିବା ଗୋଟିଏ ଟ୍ରକ୍ ତାଙ୍କୁ ଧକ୍କା ଦେଇଥିଲା ଓ ପଛରେ ଆସୁଥିବା ଅନ୍ୟ ଏକ ଟ୍ରକ୍ ତାଙ୍କ ଉପରେ ମାଡିଯାଇଥିବା ଜଣା ପଡିଛି । ଏହି ଘଟଣା ପରେ ସ୍ଥାନୀୟ ଲୋକମାନେ ସେହି ୨ ଦୁଇ ଟ୍ରକକୁ ଅଟକାଇ ପୋଲିସକୁ ଖବର ଦେଇଛନ୍ତି । ଖବରପାଇ ଏସଡିପିଓ ଓ ମୁନିଗୁଡା ପୋଲିସ ଘଟଣାସ୍ଥଳରେ ପହଞ୍ଚିବା ପରେ ୨ ଟ୍ରକ୍ ସହ ଡ୍ରାଇଭରଙ୍କୁ ଥାନାରେ ଅଟକ ରଖି ତଦନ୍ତ ଆରମ୍ଭ କରିଛି। ଅପର ପକ୍ଷରେ ମୃତକଙ୍କ ପରିବାର ଲୋକ କ୍ଷତିପୂରଣ ଦାବି କରିଛନ୍ତି।