ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ରଣପୁର ଥାନା ଅନ୍ତର୍ଗତ ରାଜସୁନାଖଳା ଫାଣ୍ଡି ପୁଲିସ ଜଣେ ବ୍ରାଉନସୁଗର ବେପାରୀକୁ ଗିରଫ କରିବା ସହ ତାଙ୍କଠାରୁ ୯.୬୨ ଗ୍ରାମ ବ୍ରାଉନସୁଗର ଜବତ କରିଛନ୍ତି । ଏନେଇ ଶରଣକୁଳ ଏସଡିପିଓ ସୁଧାକର ସାହୁ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ଅଭିଯୁକ୍ତ ଜଣଙ୍କ ହେଲେ ରଣପୁର ଥାନା ପାଇକସାହିର ବୁଦ୍ଧି ପ୍ରଧାନଙ୍କ ପୁଅ ଯୋଗେନ୍ଦ୍ର ପ୍ରଧାନ । ସେ ବ୍ରାଉନସୁଗର ନେଇ ଯାଉଥିବା ଖବରପାଇ ରାଜସୁନାଖଳ ଫାଣ୍ଡି ଏସଆଇ ପ୍ରୀତିପ୍ରକାଶ ମହାନ୍ତି କୈାଣସି ସୁତ୍ରରୁ ଖବର ପାଇଥିଲେ । ଯାହାକୁ ନେଇ ସେ କୋଟଗଡ଼ ହନୁମାନ ମନ୍ଦିର ନିକଟରେ ଅଭିଯୁକ୍ତକୁ ଧରିବାରେ ସଫଳ ହୋଇଥିଲେ । ମାଜିଷ୍ଟେଡ୍ ତଥା ରଣପୁର ତହସିଲଦାର ରବିନ୍ ଚର୍ଚ୍ଚିଲ୍ ମିଶ୍ରଙ୍କ ଉପସ୍ଥିତିରେ ବ୍ରାଉନସୁଗର ଜବତ କରାଯାଇଥିବା ଏବଂ ଚାଲାଣରେ ବ୍ୟବହାର ହୋଇଥିବା ଏକ ବାଇକ ଜବତ କରାଯାଇଥିବା ସୂଚନା ମିଳିଛି । ଏନେଇ ରଣପୁର ଥାନାରେ ଏକ ମାମଲା ରୁଜୁ ହୋଇଥିବା ବେଳେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି ।
