ବେତନଟୀ, (ବାଘୁଆବାର୍ତ୍ତା): ପୁଅ ମାଡରେ ବାପା ମୃତ। ମୟୂରଭଞ୍ଜ ଜିଲ୍ଲା ବେତନଟୀରେ ଘଟିଛି ଏଭଳି ଅଭାବନୀୟ ଘଟଣା। ମୃତକ ଜଣଙ୍କ ହେଉଛନ୍ତି ବେତନଟୀ ଥାନା ସଠିଲୋ ଗ୍ରାମର ମଧୁ ମାର୍ଣ୍ତି । ସାମାନ୍ୟ ବଚସା କାରଣରୁ ପିତୃହନ୍ତା ପୁଅ ଏଭଳି କାଣ୍ଡ ଘଟାଇଥିବା କୁହାଯାଉଛି । ଶନିବାର ରାତିରେ ବେତନଟୀ ଥାନା ସଠିଲୋ ଗ୍ରାମର ମଧୁ ମାର୍ଣ୍ତି ଓ ତାଙ୍କ ସାନ ପୁଅ ମଧ୍ୟରେ ବଚସା ହୋଇଥିଲା । ବଚସାକୁ କେନ୍ଦ୍ରକରି ବାପା ମଧୁ ଓ ତାଙ୍କର ସାନ ପୁଅ ସହିତ ଝଗଡା ଉଗ୍ର ରୂପ ନେଇଥିଲା । ଏଥିରେ ଉତକ୍ଷିପ୍ତ ହୋଇ ପୁଅ ବାପାକୁ ଆକ୍ରମଣ କରିଥିଲା । ପୁଅର ମାଡରେ ଗୁରୁତର ବାପକୁ ବେତନଟୀ ଗୋଷ୍ଠୀ ସ୍ବାସ୍ଥ କେନ୍ଦ୍ରକୁ ପରିବାର ଲୋକ ଆଣିଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ ବେତନଟୀ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି ।
