ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଅନ୍ତର୍ଗତ ଇଟାମାଟି ପୁଲିସକୁ ମିଳିଛି ବଡ଼ ସଫଳତା । ୨୦ ରୁ ଉର୍ଦ୍ଧ୍ୱ ଚୋରି ଡକାୟତି ଭଳି ସଙ୍ଗିନ ଅପରାଧୀକ ମାମଲା ଥାଇ ଫେରାର ଥିବା ୱାରେଣ୍ଟିକୁ ଗିରଫ କରିବାରେ ସଫଳ ହୋଇଛି ଇଟାମାଟି ଥାନା ପୁଲିସ । ଇଟାମାଟି ଗ୍ରାମ ନାରାୟଣୀ ପାଟଣା ସାହିର ସହଦେବ ସ୍ୱାଇଁଙ୍କ ପୁଅ ମିଟୁ ଓରଫ ଏକେଇ ସ୍ୱାଇଁକୁ ପୁଲିସ ଗିରଫ କରିଛି । ତାକୁ ଧରିବା ପାଇଁ ଏକ ସ୍ୱତନ୍ତ୍ର ଦଳ ଗଠନ କରାଯାଇଥିଲା ଓ ତାଙ୍କର ଗତିବିଧି ଉପରେ ଇଟାମାଟି ପୁଲିସ ନଜର ରଖିଥିଲା । ଗତ କାଲି ଇଟାମାଟି ସିନେମା ହଲ ପାଖରେ ବୁଲୁଥିବା ସମୟରେ ଚଢ଼ଉ କରାଯାଇ ତାକୁ ଗିରଫ କରାଯାଇଛି । କୋର୍ଟ ୱାରେଣ୍ଟ ନଂ ଏସଟି ୨୬/୨୦୨୧ – ୨୦୨୩ ରେ ବଳରେ ଗିରଫ କରାଯାଇ ଖଣ୍ଡପଡ଼ା ଦୌରା ଜଜଙ୍କ କୋର୍ଟରେ ହାଜର କରାଯାଇଥିଲା । ସେଠାରୁ ତାର ଜାମିନ ନାମଞ୍ଜୁର ହେବାରୁ ଖଣ୍ଡପଡ଼ା ଜେଲକୁ ପଠାଇ ଦିଆଯାଇଥିବା ଇଟାମାଟି ଆଇଆଇସି ଦିଲ୍ଲୀପ କୁମାର ସ୍ୱାଇଁ ସୁଚନା ଦେଇଛନ୍ତି ।





