ସମ୍ବଲପୁର, (ବାଘୁଆବାର୍ତ୍ତା): ଆଜି ରାଜ୍ୟରୁ ବିପୁଳ ମାତ୍ରାରେ କଫ୍ ସିରଫ ଜବତ ହୋଇଛି । ସମ୍ବଲପୁରରୁ ବିପୁଳ ମାତ୍ରାରେ କଫ୍ ସିରଫ ଜବତ କରିଛି ଟାଉନ ଥାନା ପୋଲିସ । ୧୦ହଜାର ୮୦୦ବୋତଲ କଫ୍ ସିରଫ ଜବତ ସହ ଏହି ଘଟଣାରେ ପୋଲିସ ୨୬ ଜଣଙ୍କୁ ଗିରଫ କରିଛି । ଏହା ସହିତ ୨୦ ହଜାର ଟଙ୍କା, ୧ ଟ୍ରକ, ୧ ବୋଲେରୋ, ୨ ଅଟୋ ଓ ୨ ବାଇକ୍ ବି ପୋଲିସ ଜବତ କରିଛି । ଏହିସବୁ କଫ୍ ସିରଫ କୋଲକାତାରୁ ଆଣି ଚାଲାଣ କରାଯାଉଥିଲା ବୋଲି କହିଲେ ସମ୍ବଲପୁର ଏସ୍ପି । ଗିରଫଙ୍କ ମଧ୍ୟରୁ ଅନେକଙ୍କ ନାଁରେ ଅପରାଧିକ ମାମଲା ରହିଛି । ଗିରଫ ଅଭିଯୁକ୍ତ ସମ୍ବଲପୁର, ସୋନପୁର ଓ ବରଗଡ ଅଞ୍ଚଳର ବୋଲି ସୂଚନା ମିଳିଛି ।





