ଭୁବନେଶ୍ବର, (ବାଘୁଆବାର୍ତ୍ତା): ୩୫୧ ଜୀବନ୍ତ କଇଁଛ ଜବତ । କଟକ ମଙ୍ଗୁଳି ଟୋଲ୍ ପ୍ଲାଜା ନିକଟରୁ ଏହି କଇଁଚ୍ଛକୁ ଜବତ କରିଛି ଡିଆର୍ଆଇ । ଏହି ଘଟଣାରେ ତିନି ଜଣଙ୍କୁ ମଧ୍ୟ ଅଟକ ରଖାଯାଇଛି । ଏକ କାର୍ ବି ଜବତ ହୋଇଛି । ଖବର ଅନୁଯାୟୀ, ପଶ୍ଚିମବଙ୍ଗରୁ କର୍ଣ୍ଣାଟକ ଚାଲାଣ ହେଉଥିଲା ୩୫୧ କଇଁଚ୍ଛ । ଚୋରା ଚାଲାଣ ନେଇ ଗୁଇନ୍ଦା ସୂଚନା ପାଇଥିଲା ଡିଆର୍ଆଇ । ଏହିକ୍ରମରେ କଟକ ମଙ୍ଗୁଳି ଟୋଲ ପ୍ଲାଜା ନିକଟରେ ଛକି ରହିଥିଲା । ଏକ କାର୍ରେ ତିନି ଜଣ ବ୍ୟବସାୟୀ ଏହି କଇଁଚ୍ଛକୁ ନେଇ ଯାଉଥିବା ବେଳେ ଧରିଥିଲା ଡିଆର୍ଆଇ । ଜବତ ପରେ ସମସ୍ତ କଇଁଚ୍ଛକୁ ବନବିଭାଗକୁ ହସ୍ତାନ୍ତର କରାଯାଇଛି । ଏହାସହିତ ଅଟକ ବ୍ୟବସାୟୀଙ୍କୁ ମଧ୍ୟ ଜେରା ଚାଲିଛି । ଏହି କାରବାରରେ ଆଉ କିଏ କିଏ ସାମିଲ ଅଛନ୍ତି । ତଦନ୍ତ ପରେ ସବୁ ତଥ୍ୟ ସାମ୍ନାକୁ ଆସିବ ବୋଲି ଆଶା କରାଯାଉଛି ।





